1.6 млн доллар тұратын Hunter

Prodrive 1.6 млн доллар тұратын сериялы модельді таныстырды. Жол талғамайтын көлік Hunter деп аталады.

Ұлыбритания инженерлері әу баста ралли-рейдке қатысу үшін жасалған BRX Hunter T1+ темір тұлпарын әдеттегі жолға бейімдеді.

1 / 6

• 
• 
• 
• 
• 
• 

1 / 6

Екі машинаның айтарлықтай айырмашылығы жоқ. Тек жаңасының салоны өзгеше. Мұнда қарапайым орындықтар орнатылып, алдыңғы панель карбонмен қапталды.

Hunter 3.5 литрлік бензинді V6-мен жүреді. 600 ат күші мен 700 Нм момент беретін агрегат 6 сатылы автоматпен және толық жетек жүйесімен жұмыс істейді. Алғашқы жүздікті 4 секундта алады. Жанармай багының көлемі — 480 литр.

Аспасы қосарлы көлденең иінтіректер мен екі Reiger тіреуінен тұратын жүйемен жабдықталған. Аспа қимылы — 400 мм.

Компания осындай 25 автомобиль шығаруды жоспарлап отыр. Алғашқысы әлден сатылып кетіпті. Оны Бахрейн ханзадасы Салман бин Хамад Аль Халифа алған.