Светофор сломался. Нужно ли пропускать пешеходов?

Бағдаршам істен шығып қалды. Жаяу жүргіншілерге жол берудің қажеті бар ма?

Kolesa.kz мұндай жағдай туындағанда жүргізушілер негізге алуы тиіс жол ережелерінің тармақтарын естеріңізге салады.

Бағдаршам сөніп қалды не сары түс өшіп-жанып тұр. Бұл жағдай сізге таныс па? Дегенмен, бұл ретте жол қиылысына белгілер қойылып, жаяу жүргіншілер жолағы да сызылған. Сонда қайтпек керек? Біздің оқырмандар мұндай сәттерде жүргізушілердің бәріне қолды бір-ақ сілтеп, жол қиылысынан жүйткіп өтетіндеріне талай куә болып жүр. Осы орайда, ҚР ЖҚЕ-нің 13-тармағы бағдаршамы істен шыққан жол қиылысындағы жүргізушінің әрекетін реттейтіндігін еске сала кетейік.

Жол қозғалысы ережелеріне сәйкес, «жұмыс iстемей тұрған бағдаршамның жыпылықтаған сары сигналы кезiнде немесе реттеушi жоқ болса, көше қиылысы реттелмейтiн болып есептеледi және жүргiзушiлер реттелмейтiн көше қиылыстарын өту ережелерiн және көше қиылысында орнатылған басымдылық белгiлерiн басшылыққа алады».

Басқаша айтқанда, осындай жағдайда жүргізуші:

  1. Көлiк құралының қозғалыс бағытындағы жүрiс бөлiгiн реттелмейтiн жаяу жүргiншiлер өтпесi бойымен өтiп келе жатқан жаяу жүргiншiлерге жол беруге мiндеттi (ЖҚЕ-нің 14-тармағы).
  2. Бағдаршамның рұқсат беретiн сигналы iске қосылғанда, оның бағытындағы жүрiс бөлiгiн кесiп өтудi аяқтап қалған жаяу жүргiншiге жол беруге мiндеттi (ЖҚЕ-нің 14-тармағы).
  3. Барлық жағдайларда, соның iшiнде жаяу жүргiншiлер өтпесiнен тыс жерлерде де, ақ түстi таяқпен сигнал берген соқыр жаяу жүргiншiнi өткiзiп жiберуге мiндеттi (ЖҚЕ-нің 14-тармағы).
  4. Оңға немесе солға бұрылған кезде, ол бұрылатын жолдың жүріс бөлігін өзінің қозғалыс бағыты бойынша кесіп өтетін жаяу жүргіншіге жол береді (ЖҚЕ-нің 13-тармағы).
Светофор сломался. Нужно ли пропускать пешеходов?

Өз кезегінде, жаяу жүргіншілер бағдаршам істен шыққан жол қиылысынан өту барысында белгілер мен жаяу жүргіншілер жолағын негізге алады. Ал егер белгілер мен жол сызықтары болмаса, ҚР ЖҚЕ-нің 4-тармағына сәйкес:

  1. Жолдың жүріс бөлігіне жақындап келе жатқан көлік құралының арақашықтығы мен олардың жылдамдығын бағалағаннан кейін және жолдан өтудің қауіпсіздігіне көз жеткізгеннен кейін ғана шығады.
  2. Жолдың жүріс бөлігінен жаяу жүргіншілерге арналған жолақтан тыс өту барысында көлік құралдарының қозғалысына кедергі келтірмейді және шолу мүмкіндігін шектеп тұрған көліктен не басқа да кедергіден жақындап қалған көліктің жоқтығына көз жеткізбестен шықпайды.
  3. Жолдың жүргін бөлігіне шығу барсында, қозғалыс қауіпсіздігін қамтамасыз ету мақсатында болмаса, жолда кідірмейді және жүрісін тоқтатпайды.
  4. Жолды кесіп өтуді аяқтап үлгермесе, қарама-қарсы бағыттағы көліктер легін бөліп тұрған жолақта тоқтап, одан кейінгі қозғалыстың қауіпсіздігіне көз жеткізгеннен кейін ғана жүрісін жалғастырады.

Бұл ретте, жүргізушілер жаяу жүргіншілерге жол беруге міндетті емес (біз жоғарыда атап өткендей, ақ түстi таяқпен сигнал берген соқыр жаяу жүргiншiлерді ескермегенде).

Жоғарыда аталған ережелердің ешқайсысы қиын емес. Оларды жүргізушілер жүргізуші куәлігін алуға дайындық кезеңінде-ақ оқуға міндетті болатын. Себебі, бұл ережелерді ескермеу денсаулық үшін де, өмір үшін де аса қауіпті. Мұндай жағдайларда жүргізушілерге ҚР ӘҚБК-нің 600-бабына сәйкес, кемі 10-нан 15 АЕК-ке (36 075) дейінгі көлемде айыппұл салынады, ал ең қатал жаза — қылмыстық жауапкершілік.

Ал тиіс емес жерден жүгіріп өте шығатын жаяу жүргіншілер (ҚР ӘҚБК 615-бабы) 2-ден 20 АЕК-ке дейінгі көлемде айыппұл арқалайды, не үш тәулікке қамауға алынады. (Оның кесірінен орын алған жол апатынан ешкім зиян шекпеген жағдайда ғана).

Сәтті сапар тілейміз!

Комментариев: 0

Чтобы оставить комментарий, вам необходимо зарегистрироваться или авторизоваться.