Автосалонда Қытайдың қай модельдері көп өтіп жатыр?

2025 жылғы он ай қорытындысы бойынша Қазақстандағы үш көшбасшы өзгермей келеді. Халық салоннан жаңа автомобиль таңдағанда әлі Hyundai, Chevrolet және Kia сияқты сенімді брендтерге басымдық береді, бірақ үздік үштікке кірмегендерге қатысты жағдай қызық, себебі ең көп өтетін он көлік арасында Қытай брендтері көп.

Айта кетейік, бұл мәлімет Қазақстандағы ресми автосалондарға қатысты. Сұр дилерлерде сұраныс өзгеше. Онда Changan X5 Plus, Chevrolet Monza және Hongqi E-QM5 таңдайтындар басым.

Қаңтар мен қазан аралығында ең көп машина сатқан Jetour (11 686), бірақ одан кейін Chery (11 395) тұр. Жыл аяғына таман олардың орны өзгеруі мүмкін. Үштікті Haval (9333) түйіндеді. Үздік бестіктегі қалған екі позиция Changan (9125) мен Geely-ге (8192) тиесілі.

2025 жылғы он айдағы Қытай маркаларының саудасы

Елдегі Қытайдың көптеген бренді Chery концерніне кіреді. Бұл компания бізге бір-екі емес, алты суббрендімен келді. Жақында тізімге Soueast және Exlantix қосылуы мүмкін. Соңғысы 2025 жылдың аяғына дейін шығады, көшеде ET кроссоверлерін кездестіруге болады.

Chery Automobile құрамына кіретін барлық марка он айда 27.2 мың көлік сатты. Дегенмен Hyundai-нің көрсеткіші жоғары — 39 959 машина.

Ең танымал 10 модель

Модельдер арасында Jetour X70 жеңімпаз атанды. Оның 5 және 7 орынды (Plus нұсқасы) түрленімі бар, 1.6 литрлік турбомотормен жабдықталады. Қаңтар мен қазан аралығында дилерлер 5167 автомобильдің кілтін табыстады.

Екінші орында Changan CS55 Plus. 1.5 литрлік мотор және 7 сатылы роботпен жүретін алдыңғы жетекті кроссовердің 4491 данасы саудаланған.

Үшінші орында Chery Tiggo 2 (4063) тұр, қалған екі қатарға JAC S3 (4001) пен Haval M6 (3878) жайғасты.

1 / 10

• 
• 
• 
• 
• 
• 
• 
• 
• 
• 

1 / 10

Ондыққа кірмеген көліктер

BYD Song Plus DM-i кроссовері 17-орынды қанағат тұтты. Қазір ол ресми нарықтағы ең танымал гибридтердің бірі, жыл басынан бері 1132-сі иесін тапты.

Электромобильдер арасында BYD Yuan Up моделінің үлесі басым (30-орын), ал батареялы Song Plus екінші сатыға орналасты (жалпы рейтингте 36-орын). Электрокар саудасы туралы мына мақалада жаздық. Бір ай өткенде көрсеткіш 606 және 454-ге жетті.

Tank 300-ді (19-орын) Қытайдан келген ең танымал толыққанды жол талғамайтын көлік деуге болады. Қаңтардан бері салондар 1094-ін сатты. Дегенмен рамалы модельдер ішінде Toyota Land Cruiser Prado-ға (1916) жете алмады.