Стойка стабилизатора

Zhainar: Ассалаумағалейкум. Toyota Matrix жайлы сөз қозғасақ 5 жыл болды мініп жүргеніме, ерке көлік емес. Бөлшектері Toyota Corolla бөлшектері, демек табу қиынға соқпайды. Іші кең, жүк салатын орын да жеткілікті, ал егер екінші қатардағы орындықтарды жатқызсаң одан да кеңейе түседі. Алдыңғы орындықты да жатқызып ұзын зат артуға да болады. Тек шамдарының жарығы әлсіз демесең қалған жағынан сөз жоқ. Жақсы лампочки салып алуға болады. Бұл көлікке тән ризамын, басқа айтарым жоқ гайс. Қазағыма жақсы көліктер ғана бұйырсын.

Серік: Жалпы сәлем. Көлік жайлы бірінші рет пікір жазуым. Жазу себебім біреуге болсын септігін тигізсе деймін. Өзім көлік аларда көп пікір оқимын, барлығы дерлік dromu сайтынан, KZ-те ондайдың жоқтың қасы еді. Енді міне қолға алыпты, бәрекелді. Мен өзімді тәжірибелі және машина жайлы түсінетін адам ретінде есептеймін, себебі көлік айдау өтілім 15 жылдан жоғары және бұл менің шамамен 10-шы көлігім. Бұның алдында көптеген көліктерді айдағанмын, тоқтала кетсем, опель вектра, мерседес 124 шанақ, ww passat, Toyota Camry 20 т. Б. Тойота матрикс менің сүйікті көліктерімнің бірі. Қысқаша сенімді, шаруаға қолайлы.5 жылдай иелік етемін. Қозғалтқышы 1, 8, өте сенімді, май мүлдем жемейді. Тартысы өз көлеміне жараса, трассада басып озуға әбден қауқарлы. Шанақта металы жақсы. Сұйық отынды аз тұтынады. Қаланың ішінде (Алматы) шамамен 10 литрге дейін, кептеліс кезінде мүмкін 10-ның шамасы. Трассада айдауыңа байланысты, 120-ға дейін айдасаң 6 литр, асырсаң 7-8-9-10. Автомат қорабы сенімді, жақсы, бірақ әттең 4 сатылы, трассада аздық етеді. Айта кететін жайт, көлігімнің жағдайы өте жақсы, мен 3-ші иесімін, алған кезде жүріп өткен жолы 70000 шамасы болған. Өз басым көлікке жақсы қараймын, сапалы бөлшектер саламын, мүмкін содан бұзылмайтын шығар. Жаңа, жағдайы жақсы көлік, қашанда жүріп береді. Дегенмен Toyota Matrix сенімді көліктердің қатарына жатады. 5 жыл көлемінде айтарлықтай бұзылғаны есімде жоқ, майда-шүйде, май-суы ғана. Өзім рахаттанып айдаймын. Көлікке ризамын. Негізі қалаға арналған көлік, асты биік, көп жерге сиып кете бересің. Егер матрикс жайлы сұраса, мен ал дер едім. Артықшылықтары: қозғалтқышы, қорабы сенімді, металы жақсы, шаруаға қолайлы, шығыны аз, асты биік Кемшіліктері: 4 сатылы (2007 жылғы машинаға ұяттау), салоны салыстырмалы түрде тарлау, өз басым басқа кемшіліктерін білмедім, бары осы. Кейбір көліктер сияқты арнайы ауруы, бұзыла беретін жері жоқ. Нақты сұрақтар болса жауап беретін едім. Ал жалпы пікірім осы. Жақсы көлік, тек жағымды әсер қалдырды. Жалпыға амандық, саулық және қайырлы таңдау жасауды жазсын.