volkswagen-mkpp-main

Volkswagen 2030 жылы механикадан арылады

Екі жылдан соң жаңа Tiguan механикалық қорапсыз ұсынылады.

Бұл жөнінде Auto Motor und Sport жазды. Басылым таратқан ақпарат бойынша автоөндіруші 2030 жылы механикалық қораптан бас тартады, бірақ шығып жатқан модельдердің көбіне мұндай қорап қазір де қойылып жатқан жоқ.

2023 жылы кезегі келетін VW Tiguan кроссоверінің үшінші буыны жаңа Passat сияқты автомат және робот қораппен жабдықталады. Олармен бір платформаны бөлісетін Skoda, Seat, Audi маркалы көліктер де механикадан арылады. Процесс 2030 жылы толық аяқталады.

Jato талдау компаниясы берген мәліметке сүйенсек, қазір Германияда сатылып жатқан 5 838 машинаның тек 1870-іне механикалық қорап қойылған. Ал Volkswagen модельдерінің 218 данасына автомат (DSG-ді қосқанда), 139-ына механика орнатылған. Қазір ел билігі электромобиль алушыларға қолдау көрсетіп жатқанын ескерсек, механиканың болашағы жайлы сөз қозғаудың қажеті жоқ сияқты.

Комментариев: 0

Чтобы оставить комментарий, вам необходимо зарегистрироваться или авторизоваться.