Колеса АҚ сайттары мен мобильді қосымшаларын пайдалану кезіндегі құпиялық және жеке деректерді өңдеу саясаты (әрі қарай – Саясат) «Колеса» АҚ-дағы (әрі қарай – Компания) жеке деректеріңіздің (әрі қарай – Деректер) қауіпсіздігін қамтамасыз ету талаптарын белгілеп, тәртібін анықтайды, сондай-ақ қандай деректерді алатынын, оларды қалай пайдаланатынын және басқа тұлғалармен қалай алмасатынын белгілейді.
Пайдаланушының хабарландыру іздеу, қарау немесе беру, интернет-ресурста тіркелу, комментарий жазу, байланыс үлгісі арқылы хабарлама жіберу сияқты Интернет-ресурсты пайдалануға бағытталған және Интернет-ресурстардың функцияларын пайдалануға қатысты басқа әрекеттері саясатты толық және сөзсіз қабылдауы болып саналады.
Компания нені Дерек деп есептейді
Компания үшін Дерек жинаумен, өңдеумен және қорғаумен байланысты қызметтің мақсаттары, қағидаттары және құқықтық негізі ерекше маңызға және жоғары басымдықа ие. Сондықтан Компания сізбен, дәлірек айтқанда, www.krisha.kz, www.kolesa.kz веб-сайттарын және krisha.kz, kolesa.kz мобильді қосымшаларын (әрі қарай – интернет-ресурстар) Пайдаланушымен байланысты деректерді және/немесе сіз берген, соның ішінде қызмет көрсету үшін үшніші тұлғалар туралы деректерді «жеке деректер» деп есептейді.
Компания сіз туралы қандай деректер алады
Компания ақпаратты kolesa.kz, krisha.kz қосымшалары мен ақпараттық интернет-ресурстардағы жеке кабинет арқылы Пайдаланушының деректерін орналастыру, өңдеу және қайта өңдеу бойынша ақпараттық қызметтер ұсыну үшін, сондай-ақ Компания серіктестерінің қызметтері мен сервистері үшін (әрі қарай – Қызметтер), соның ішінде интернет-ресурстарды орнату және пайдалану және оларға қол жеткізу кезінде алады немесе жинайды.
Сіз үсынатын ақпарат:
Деректер Компанияға Пайдаланушылардың қауіпсіздігін қорғау, Қызметтерді қауіпсіз ұсыну және Қызметтерді тиісінше көрсету мақсатында, сондай-ақ Пайдаланушылар алдындағы міндеттемелерді орындау үшін қажет.
Пайдаланушы – интернет-ресурстарға кіруші;
Пайдаланушы деректері – ЖСН, аты-жөні, мобильді телефон нөмірі, туған күні және/немесе жылы, электрондық пошта адресі, тұрғылықты мекенжайы, заңды тұлғаны мемлекеттік тіркеу туралы құжат, кәсіпкерлік қызметті жүзеге асыруға арналған талон/куәлік, көлік құралына қатысты мүлік (мүлік жағдайы) туралы мәліметтер, Тізбеде көрсетілген деректерді қоса алғанда, жылжымайтын мүлікке тіркелген құқықтар туралы ақпарат (Қызмет көрсету үшін Пайдаланушы көрсеткен үшінші тұлғалардың осындай деректерін қоса алғанда);
Клиент – интернет-ресурстарда контент орналастыратын Пайдаланушы.
Пайдаланушының келісімімен интернет-ресурстар мыналарға қол жеткізе алады:
- геолокация (орналасқан жерін анықтау үшін);
- фотосуреттер галереясы (профиль немесе хабарландыру орналастыру үшін фотосурет таңдағыңыз келған жағдайда ғана);
- Пайдаланушының мобильді құрылғысының камерасы (мысалы, қол жеткізу Пайдаланушыға фотосурет түсіруге мүмкіндік береді).
Интернет-ресурстардың пайдаланушылық контенті
Профиль суреті – интернет-ресурстардағы Пайдаланушының жария түрде графикалық бейнеленуіне арналған сурет немесе фотосурет;
Тауарлар/қызметтер суреті – хабарландыру орналастырған кезде өнімнің/қызметтің графикалық бейнесін жария түрде орналастыруға арналған сурет немесе фотосурет;
Контент – Пайдаланушының тауарлар/қызметтер туралы, интернет-ресурстардағы клиенттік тәжірибесі туралы пікірлері, интернет-ресурстарда Операциялар жасаған кезде Пайдаланушы жіберетін хабарламалар;
Қолайсыз контент – Компанияның талаптарын және/немесе Қазақстан Республикасының заңнамасын бұзатын Контент, тауарлардың/қызметтердің және/немесе профильдің суреті.
Компания мынадай Контентті, Профиль суретін, тауарлардың/қызметтердің суреттерін және (немесе) Пайдаланушы туралы өзге ақпаратты орналастыруға тыйым салады:
- Қазақстан Республикасының заңнамасын бұзуға шақыратын немесе оны бұзатын;
- тұлғалардың жазбаша келісімі болмаған жағдайда үшінші тұлғалар туралы Деректерді және басқа да құпия ақпаратты жария ететін;
- үшінші тұлғалардың суреттерін қамтитын;
- қоқан-лоқы жасайтын, зорлық-зомбылық пен қатыгездікті насихаттайтын;
- шығу тегіне, сондай-ақ әлеуметтік, лауазымдық және мүліктік жағдайына, жынысына, нәсіліне, ұлтына, тіліне, гендерлік көзқарасына немесе оның болмауына, дінге қатысты көзқарасына, нанымына, тұрғылықты жеріне байланысты немесе кез келген басқа мән-жайлар бойынша қорлаудың немесе кемсітудің кез келген түрін қамтитын;
- порнографиялық, эротикалық сипаттағы, оның ішінде жалаңаш немесе жартылай жалаңаш адамдардың суреттері, эротикалық тауарлар/қызметтер және т.б.;
- жеке клиенттік тәжірибеге негізделмеген: үшінші тұлғалардың айтуына негізделген пікірлер, сондай-ақ жарияланымдар, промо-материалдар, жарнама, баға саясаты негізінде жасалған жұмыс/қызмет көрсету туралы қорытындылар;
- мағынасы жоқ хабарламалар (флуд), қайталаулар, спам, балағат сөздер (балағат, дөрекі, әдепсіз сөздер, сөйлеу үлгілері).
Компанияның пікірінше Қазақстан Республикасының заңнамасы мен этика және мораль нормаларының бұзылуына әкелуі мүмкін күдікті, заңсыз мәліметтері бар ақпарат пен Қолайсыз контент анықталған жағдайда Компания оны жасыруға, Пайдаланушыға ескертусіз жоюға, сондай-ақ Пайдаланушының Контентті, Профиль суретін, тауар/қызмет суреттерін орналастыру мүмкіндігін бұғаттауға құқылы болады.
Пайдаланушының Профиль суретін орналастыруы оны интернет-ресурстар арқылы қызмет ұсынатын үшінші тұлғалардың сервистерінде пайдалануға келісімін білдіреді.
Автоматты түрде жиналатын ақпарат
Пайдалану туралы деректер
Компания интернет-ресурстар орнату және пайдалану кезінде өнімділік туралы ақпарат пен мәліметтерді, сондай-ақ диагностикалық ақпаратты жинайды. Бұл санатқа сіздің әрекеттеріңіз туралы ақпарат (мысалы, интернет-ресурстарды қалай пайдаланатыныңыз туралы, олардың көмегімен басқа Пайдаланушылармен қалай әрекеттесетініңіз туралы және т.б.), интернет-ресурсқа кіру күні мен уақыты, парақшаларды шолу, іздеу тарихы, журналдар және интернет-ресурстардың диагностикасы, ақаулары және жұмысының сипаттамалары туралы есептер, құрылғының үлгісі, операциялық жүйе туралы ақпарат, браузер деректері, IP-адрес, пайдаланушының және құрылғының бірегей сәйкестендіргіштері, жарнамалық сәйкестендіргіштер кіреді.
Үшінші тұлғалардан келіп түсетін ақпарат
Мұндай ақпарат Қызметтерді дұрыс көрсету үшін, сондай-ақ Пайдаланушылар мен үшінші тұлғалардың алдындағы шарттық міндеттемелерді орындау үшін қажет.
Компания Пайдаланушы туралы және Пайдаланушы көрсеткен басқа тұлғалар туралы деректер болуы мүмкін, үшінші тұлғалар ұсынатын ақпаратты алады. Мысалы, Компанияның клиенттері интернет-ресурстарды пайдаланған кезде, бізге телефоныңыздың нөмірін және/немесе өзге деректерді ұсынуы мүмкін.
Бөтен ұйымдар
Компания бізге жұмысты қамтамасыз етуге, Компанияның қызметтерін ұсынуға, жетілдіруге, талдауға, баптауға, қолдауға және ілгері жылжытуға көмектесетін бөтен ұйымдармен серіктес болады. Мысалы, біз мыналарды ұсынатын компаниялармен жұмыс істейміз: Қоғамға қызмет көрсету барысында ақпараттық және техникалық өзара әрекеттесу қызметтері; банк қызметтері; мемлекеттік және басқа қызметтер. Кейбір жағдайларда бұл компаниялар бізге сіз туралы ақпарат беруі мүмкін.
Интернет-ресурстар Компанияның қызметтерін үшінші тұлғалардың қызметтерімен бірге пайдалануға мүмкіндік береді. Егер сіз Қызметтерді үшінші тұлғалардың қызметтерімен бірге пайдалансаңыз, біз сіз туралы немесе сіз ұсынған басқа тұлғалар туралы ақпаратты осындай үшінші тұлғалардан алуымыз мүмкін және сіздің есіміңіз, мобильді телефоныңыздың нөмірі, интернет-ресурстардағы профиліңіздің суреті үшінші тұлғалардың сервистерінде пайдаланылуы мүмкін.
Құқықтық міндеттемелерді сақтау
Компания заңнама талаптарын сақтау және орындау мақсатында, мысалы, kolesa.kz және krisha.kz сайттарында жеке кабинеттер құрумен және басқарумен байланысты мемлекеттік органдар алдындағы біздің міндеттемелерімізді орындау үшін, интернет-ресурстардағы әртүрлі функцияларға қол жеткізу бойынша техникалық қиындықтар туындаған жағдайда, сондай-ақ алаяқтықтың, Қызметтерді теріс пайдаланудың алдын алу үшін және деректердің қауіпсіздігін қамтамасыз ету үшін Деректеріңізді өңдейді.
Пайдаланушымен байланыс және маркетинг
Компания интернет-ресурстарды пайдалануға, Қызмет көрсетуге, маркетингтік ақпарат ұсынуға және сіздің сауалдарыңызды өңдеуге қатысты хабарламаларды, ұсыныстарды және ақпаратты сізге жіберу үшін деректеріңізді өңдейді.
Сапаны жақсарту
Интернет-ресурстардың жұмысын жақсарту, сізге жаңа өнімдер әзірлеу және ұсыну, сондай-ақ Қызметтер ауқымын кеңейту мақсатында Компания деректеріңізді өңдеуі мүмкін.
Компания қалай дерек алмасады
Компания мына жағдайларды қоспағанда, сіздің жеке деректеріңізді, соның ішінде интернет-ресурстарды пайдалана отырып алған операциялар бойынша деректерді жария етпейді және үшінші тұлғаларға бермейді:
- Сіз (ата-анаңыз немесе қамқоршыңыз) мұндай әрекеттерге тікелей келісімін берген жағдайда,
- Ақпаратты беру Қазақстан Республикасының қолданыстағы заңнамасында көзделген жағдайда.
Компания үшінші тұлғалардың дербес деректерін (соның ішінде ЖСН, аты-жөні, мобильді телефон нөмірі, туған күні және/немесе жылы, электрондық пошта адресі, тұрғылықты мекенжайы, заңды тұлғаны мемлекеттік тіркеу туралы құжат, кәсіпкерлік қызметті жүзеге асыруға арналған талон/куәлік, көлік құралына қатысты мүлік (мүлік жағдайы) туралы мәліметтер, жылжымайтын мүлікке тіркелген құқықтар туралы мәліметтер, соның ішінде Тізбеде көрсетілген Деректер (соның ішінде Пайдаланушы Қызмет көрсету үшін көрсеткен үшінші тұлғалардың осындай деректері) тікелей немесе үшінші тұлғалар арқылы ұсынған кезде сіз жалпыға қолжетімді ақпарат көздерінде дерек орналастыру құқығынсыз тиісті қызметтерді ұсыну үшін үшінші тұлғаларға және Компанияға дербес деректерді жинауға, өңдеуге олардың келісімін алғаныңызды растайсыз.
Келісім алу әдістерінің тізбесі Компанияның қарауы бойынша мыналардың бірімен анықталады:
1) қысқа хабарлама (sms) жіберу арқылы;
2) пайдаланушының тиісті ұяшықта белгі қоюы арқылы;
3) өтініштің түпнұсқасын/сканерленген үлгісін Қомпания мекенжайына жіберу арқылы;
4) сонымен қатар интернет-ресурстарға хабарламалар, Қомпанияға тексеру (талдау), шағым жіберген кезде, сондай-ақ интернет-ресурстардың, Компания қызметкерлерінің жұмысы туралы пікір жазу және интернет-ресурстардың атқарымы мен ресурстарын өзге жолмен пайдалану Пайдаланушының өз деректерін жинауға және өңдеуге келісімін білдіреді.
– Келісім беру осы Саясаттың мәтінімен Пайдаланушының танысып шыққанын;
– Пайдаланушыға қатысты жиналатын жеке деректер тізбесімен танысып шыққанын білдіреді;
– Компанияға үшінші тұлғалардың жеке деректерін берген кезде Пайдаланушы тиісті қызметтерді ұсыну үшін Компанияға және үшінші тұлғаларға Жеке деректерді беруге олардың келісімін алғанын растайды. Пайдаланушы интернет-ресурсты пайдаланумен байланысты өз әрекеттері үшін, соның ішінде интернет-ресурстарға енген деректердің дұрыстығы және енген деректердің үшінші тұлғалардың құжаттарымен сәйкестігі үшін үшінші тұлғалардың алдында өз бетінше жауап береді;
– Пайдаланушының мыналармен танысып шыққанын, олармен толық және сөзсіз келісетінін растайды:
Пайдаланушы Компанияға, сондай-ақ Компаниямен қазір және болашақта қандай да бір құқықтық қатынастар арқылы байланысты үшінші тұлғаларға мына мәліметтерді қамтуы мүмкін өзінің жеке деректерін жинауға және өңдеуге келісімін береді: ЖСН, аты-жөні, телефон нөмірі, туған күні, электрондық пошта адресі, заңды тұлғаны мемлекеттік тіркеу туралы құжат, кәсіпкерлік қызметті жүзеге асыруға арналған талон/куәлік, көлік құралына қатысты мүлік (мүліктің жағдайы) туралы мәліметтер, Тізбеде көрсетілген деректерді қоса алғанда, жылжымайтын мүлікке тіркелген құқықтар туралы электрондық, қағаз және (немесе) өзге материалдық тасушыда жазылған ақпарат, кеңес және/немесе пікір алу мақсатында, сондай-ақ олардың өзгеруі және/немесе толығуы, Қазақстан Республикасының заңнамасына қайшы келмейтін тәртіпте, соның ішінде мынадай жолмен:
- Қызметті алу үшін Пайдаланушы ұсынған мәліметтерді пайдалану;
- интернет-ресурспен жұмыс істеген кезде белсенділікке мониторинг жасау бағдарламаларын пайдалануды қоса алғанда, менің әрекеттерімді қадағалау, Компанияның техникалық құралдарының пайдаланылуын бақылау мақсатында, ақпараттың құпиялығын қамтамасыз ету бойынша белгіленген талаптарды сақтау үшін;
- коммерциялық құпияны және қолжетімділігі шектеулі жеке деректерді сақтау және сақталуын қамтамасыз ету;
- осы Саясаттың талаптарын сақтау.
Осы Келісім интернет-ресурстағы жинаудың, Қызметтің (немесе басқа қызметтің) белгіленген мақсатына жеткенге дейін, сондай-ақ жеке деректерді сақтау мен өңдеуге қатысты заңнама талаптарын орындау мерзіміне дейін жарамды».
Сіз интернет-ресурстарды пайдаланумен байланысты өз әрекеттеріңіз үшін, соның ішінде интернет-ресурстарға енген деректердің дұрыстығы және енген деректердің үшінші тараптың жеке басын куәландыратын құжаттарына сәйкестігі үшін үшінші тұлғалардың алдында өз бетіңізше жауап бересіз.
Ақпараттың құпиялығын сақтау үшін Компания қандай қауіпсіздік шараларын қолға алады?
Компанияда заманауи технологиялар мен ішкі рәсімдер бар және сіздің деректеріңізді бөтен адамдардың қол сұғушылығынан, ақпаратқа рұқсатсыз қол жеткізу әрекеттерінен, өзгертулерден, электрондық құжаттардың мазмұнында бұрмалаулардың және/немесе өзгерістердің болуынан, ашылуынан немесе жойылуынан қорғауға бағытталған барлық әрекетті жүзеге асырады.
Интернет-ресурстар TLS v1.2 криптографиялық хаттамасын пайдалана отырып, қорғалған HTTPS хаттамасы арқылы интернет желісіндегі сіз бен Компания арасында берілетін деректерді қорғауды қамтамасыз етеді. Сіздің құпиясөздеріңіз Компания жүйесінде көрсетілмейді, тек шифрланған түрде сақталады және беріледі.
Интернет-ресурстар интернет желісіндегі сіз бен Компания арасында берілетін деректердің қорғалуын қамтамасыз етеді.
Логин және құпиясөз секілді есептік жазбаңыздың деректерін үшінші тұлғаларға жария етпеуге, ұсынбауға және оларды терген кезде жасыруға міндеттелесіз. Барынша қорғанышты қамтамасыз ету үшін вирусқа қарсы бағдарламаларды пайдалануға және уақытылы жаңартып отыруға кеңес беріледі. Компанияның кеңестерін орындаған жағдайда, ұсынылған ақпараттың барынша сақталуы қамтамасыз етіледі.
Интернет-ресурстар туралы мәліметтер
Интернет-ресурстар – мобильді телефон немесе Интернетке кіру мүмкіндігі бар басқа құрылғы арқылы сіздің жеке кабинетте операцияларды жүзеге асыруыңызға арналған қашықтан қызмет көрсету сервистеріне қол жеткізуді ұсынатын бағдарламалық жасақтама.
Компания деңгейінде деректеріңіздің құпиялығын сақтау, есептік жазбаны жою
Компания сіздің деректеріңізді оларды жинау және өңдеу мақсаттарына қол жеткізу үшін және/немесе Қазақстан Республикасы заңнамасының талаптарын орындау үшін қажет болуына қарай, Саясатқа сәйкес сақтайды.
Сіз есептік жазбаңызды жоюды бастама етіп көтерсеңіз болады. Жою үдерісі аяқталған кезде барлық дерек жойылады.
Егер орындалмаған міндеттеме болса, сіз деректерді жинауға және өңдеуге арналған келісіміңізді қайтара алмайсыз.
Құпиялық туралы сұрақтар
Саясат барлық Пайдаланушыға қолданылады және интернет-ресурстарды пайдаланған кезде берілген Деректерге қолданылады.
Егер саясатпен келіспесеңіз, интернет-ресурстарды пайдаланудан бас тартуыңыз немесе Компанияға хабарласып, мына мекенжайға жазбаша өтініш қалдыруыңыз керек: Шевченко көшесі 157/4, Алматы, Қазақстан Республикасы.
Сіз Саясаттың шарттарын толық немесе ішінара қабылдаудан бас тартқан жағдайда, Интернет-ресурстар функцияларының барлығына немесе бір бөлігіне қол жеткізе алмауыңыз мүмкін екенімен келісесіз, өйткені мұндай бас тартудың болуы Компанияның қызметтерді заңды түрде ұсыну мүмкіндігін жоққа шығарады.
Саясатқа қатысты басқа сұрақтарыңыз болса, +7 7273 33 76 86 телефоны арқылы хабарласа аласыз.
Компания сіздің жеке өміріңізге аса байыппен қарайды. Сұрағыңызға барынша оңтайлы жауапты анықтау үшін сауалыңызды талдап, заңнамамен белгіленген мерзімде жауап береміз.
Интернет-ресурстарды пайдаланушы ретінде сіз бен Компания арасындағы қарым-қатынастан туындайтын барлық дау мен келіспеушілік келіссөздер (дауды ерікті түрде реттеу туралы жазбаша ұсыныс) арқылы шешілетін болады.
Шағым-талап алушы шағым-талап алынған күннен бастап 30 күнтізбелік күн ішінде талап қоюшыға шағым-талапты қарау нәтижелері туралы жазбаша хабарлайды. Келісімге келмеген жағдайда дау Қазақстан Республикасының қолданыстағы заңнамасына сәйкес сот органына қарауға ұсынылады.
Саясат кез келген сәтте Пайдаланушыларға қандай да бір алдын ала ескертусіз өзгеруі не толығуы мүмкін. Өзгерістер Интернет-ресурста жарияланған сәттен бастап күшіне енеді.
Саясатқа және Пайдаланушы мен Компания арасындағы қарым-қатынасқа Қазақстан Республикасы заңнамасының талаптары қолданылады. Интернет-ресурстарға, соның ішінде сатылатын және әзірленетін байланысты сервистерге қатысты барлық құқық «Колеса» АҚ-ға тиесілі.