ЗМЗ V8 моторын қайта шығарады

Заволжский мотор зауыты былтыр желтоқсаннан бастап бензинді ЗМЗ-523 пен биоотын тұтынатын ЗМЗ-524 V8-ді шығармайтын болды, оған Горький автозауытының негізінен осы моторлармен жүретін «ГАЗон» мен «Садко» өндірісін тоқтатқаны себеп болды.

Бірақ санкцияға байланысты ПАЗ-3205, ПАЗ-3203 автобустары мен ГАЗ жүк көлігіне орнатуға және қосалқы бөлшек нарығында V8 топтамасына сұраныс қайта артты.

4.67 литрлік ЗМЗ-523/524 — 1961 жылғы ЗМЗ-53 моторының жаңарған нұсқасы. Цилиндр блогы алюминий негізіндегі жеңіл қорытпадан құйылған, бірақ қаптамасы шойын. Бүрку жүйесі электронды басқару блогымен жұмыс істейді. Мотордың бензинді нұсқасы 124 ат күші мен 298 Нм береді, ал биоотын тұтынатын (бензин + пропан-бутан) түрі 138 ат күшіне (314 Нм) ие. Агрегат арзан, қарапайым, жөндеуге оңай, бірақ жанармайды көп тұтынады.

Екі V8 де қайта оралады. Өндіріс желісіне қатысы бар кәсіпорындарда жұмысты қалпына келтіруге дайындық қызу жүріп жатыр. Агрегат келер жылдың бірінші жартысында дайын болады.