Жүрмейтін Lamborghini Countach 2 млн долларға сатылады

Қарашаның аяғында Абу-Дабиде өтетін Bonhams аукционында ерекше Lamborghini Countach саудаға түседі. Суперкар қатты зақымдалған, жүрмейді. Машинаны 2 млн долларға алған адамның өзі оны қалпына келтірмейтін шығар. Бұл Countach Мартин Скорсезенің әйгілі «Волк с Уолл-стрит» фильміне түскен.

1 / 21

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 21

Аукцион үйі хабарлағандай, түсірілімге екі Countach қатысқан, бірақ дублёр автомобиль экранда екі-ақ рет көрінеді. Биржа маклері Джордан Белфорттың суперкары рөлін көп эпизодта дәл осы Lamborghini ойнаған. Машина Белфорт (Ди Каприо) есірткіге масаң күйде үйіне қайтатын әйгілі эпизодта бүлінді.

1 / 4

• 
• 
• 
• 

1 / 4

Осы көріністен кейін Countach-ты жөндемей, мұражай экспонаты ретінде сақтап қойыпты. Ол «түсірілім алаңынан шыққан күйде» сатылады. Машинаны алған азамат суперкар мен құжатынан бөлек, Белфорттың дәл осы сахнадағы киімі, режиссер креслосы мен Мартин Скорсезе, Ди Каприо және Марго Роббидің қолтаңбасы бар режиссер «шартылдағына» (нөмірлеуіш) ие болады. Сондай-ақ түсірілім тобының екі футболкасы қоса беріледі.

Фильмге 685 данасы ғана шыққан Lamborghini Countach 25th Anniversary түскен. Горацио Пагани атсалысып жасаған түрленімнің аэродинамикасы жақсарып, ең жоғары жылдамдығы сағатына 295 км-ге жетті. Ол суперкардың ең жылдам нұсқасы саналады.

Фильмдегі дублёр суперкар желтоқсанның басында Нью-Йоркте өтетін RM Sotheby’s аукционына қатысады. Бұл Countach та екі млн долларға бағаланып отыр.