Денсаулық сақтау министрлігі қолданыстағы медициналық тексеріс ережесіне өзгеріс енгізу жобасын дайындады. Құжатқа сәйкес дем шығарған кездегі алкогольге тексеріс нәтижесі (жүргізушінің мас екенін білдіретін көрсеткіш — Kolesa.kz ескерт.) этил спиртінің концентрациясын өлшеу қателігінің ықтимал мөлшерінен жоғары болса ғана оң нәтиже деп саналады, яғни 1 литр дем шығарғанда 0.16 миллиграмм немесе 1 литр дем шығарғанда 0.3 промилле деңгейінен асса ғана.
Нәтижесінде қандағы алкоголь мөлшерінің көрсеткіші мен тексерістен өтіп жатқан адамның клиникалық жағдайын бағалаудың стандарт кестесі мынадай болады:
| Қандағы алкоголь мөлшері, 0 ‰ | Бағалау |
| 0.3-тен аз | Алкогольдің әсері жоқ |
| 0.3-тен 0.5-ке дейін | Аздап әсері бар |
| 0.5-тен 1.5-ке дейін | Жеңіл мас күй |
| 1.5-тен 2.5-ке дейін | Орташа мас күй |
| 2.5-тен 3-ке дейін | Қатты мас |
| 3-тен 5-ке дейін | Алкогольден қатты улану, өлімге әкелуі мүмкін |
Бұйрық жобасында «мастық деңгейінің көрсеткішін бекіту адамның жағдайын дәлірек анықтауға және оның ауырлығын бағалауға байланысты даулы жағдайларды азайтуға мүмкіндік береді» деп жазылған.
Жоба авторлары әкімшілік құқық саласында жазаның ауыр-жеңілдігі көбіне адамның мастық деңгейіне байланысты екенін атап өтті. Стандарт бағалау сотқа адамның әрекетін нақты саралауға мүмкіндік береді.
«Алкоголь тұтыну» мен «мас болу» ұғымының айырмасы — құқық саласындағы ең күрделі мәселелердің бірі. Жаңа кесте алкоголь қолдану фактісін және мас күйді нақты ажыратады. Құжат авторларының айтуынша бұл еңбек дауы немесе арнайы әкімшілік істер үшін өте маңызды. Өйткені алкоголь иісінің шығуы адамның көлік жүргізе алмайтынын немесе қандай да бір жұмысты орындай алмайтынын білдірмейді.
Қолданыстағы жол ережесі жүргізушілерге көлікті мас күйде басқаруға тыйым салады. Оның мас не сау екені клиникалық тексеріс, яғни адамның психикалық және соматоневрологиялық жағдайын кешенді тексеру арқылы анықталады.
Медициналық тексеріс мыналарды қамтиды:
- дәрігер немесе фельдшердің тексеруі (шағымдар тізімін жинау, психоактивті заттарды қабылдау туралы мәлімет алу, қабылдаған уақыты мен мөлшерін, объективтік жағдайын, психикалық және соматоневрологиялық жағдайын кешенді бағалау);
- дем шығарған кезде алкогольдің бар-жоғын анықтау;
- биологиялық материал үлгісінде (зәрде) психоактивті заттар бар-жоғын анықтау;
- биологиялық материалдағы (зәр, қан) психоактивті заттардың деңгейін анықтау.
Дәрігер мынадай шешімдердің бірін шығарады (мамандар бұл тізімді де кеңейтуді ұсынып отыр):
- сау;
- психоактивті заттарды қолдану фактісі бар, бірақ мастық белгісі жоқ;
- алкогольге мас (жеңіл, орташа, ауыр деңгей);
- психоактивті заттарды қолданудан туындаған мас күй (есірткі — опиоид, каннабиноид, кокаин; тыныштандыратын және ұйықтататын дәрілер; психостимулятор; галлюциноген және басқа дәрілік заттар);
- бірнеше психоактивті затты бірге қолданудан туындаған мас күй (түрі көрсетіледі);
- медициналық тексерістен өтуден бас тартқан.
Бұйрық жобасында «психоактивті заттарды қолдану фактісін анықтайтын медициналық тексеріс оны жүргізуге негіз болған жағдайда бір рет қана өтеді» деп жазылған. Азамат оның нәтижесімен келіспесе, екі сағат ішінде қайта тексерістен өтуге құқылы. Бұл құжат жобасының
Қазақстанда «рұқсат етілетін промилле» термині бұрын болған емес. 2017 жылы қабылданған психоактивті заттарды қолдану фактісін және мас күйді анықтауға арналған медициналық тексеріс ережесінде қандағы алкоголь мөлшерінің кестесі ғана берілген. Ол бойынша
Мысалы, кей жүргізушіні 0.002 немесе 0.003 промилле көрсеткіш үшін де мас деп танып, жүргізуші куәлігінен айыруға тырысқан жағдайлар тіркелді. Шын мәнінде мұндай көрсеткіш көбіне құрылғының техникалық қатесі саналады. Тіпті даулы жағдайлар кездесті. Былтыр қазанда Алматы қаласында тәртіп сақшылары мен наркодиспансер мамандарының тест нәтижесін қолдан жасағаны әшкереленді.
Комментариев: 0