Биылғы жылдың екінші тоқсанында кейбір құжаттардың күшін жою жоспарланып отыр. Цифрлық даму, инновациялар және аэроғарыш өнеркәсібі министрі Асқар Жұмағалиевтің айтуынша, стандарттар мен бизнес-процесске өзгеріс енгізілгеннен кейін ел азаматтарына жүргізуші куәлігін ауыстыруға онлайн өтініш берген соң жаңа құжатты ХҚКО-нан алу үшін өтініштің қағазға басылған нұсқасы мен тиісті төлем жасалғанын растайтын чекті алып жүрудің керегі болмайды.
Одан бөлек, аталған уақытта шенділер жүргізушілер мен көлік тізгіндеуге дайындалып жүрген азаматтарды психоневрологиялық және наркологиялық диспансерлерден анықтама алудан және алдын ала міндетті медициналық тексерістен өтуден арылтпақ.
Денсаулық сақтау вице-министрі Олжас Әбішев атап өткендей, жоғарыда аталған медициналық анықтамалар алғашқы жарты жылдықтың аяғына дейін электронды форматқа көшіріледі. Бір жыл ішінде өткен медициналық тексеріс нәтижесін ел азаматтары eGov порталы арқылы шығара алады.
Комментариев: 0