Жүргізушілер мейрам күндері қалай көлік тіркейді

Мемлекеттік корпорация орталықтар 28 маусымда Құрбан айт мерекесіне орай жүргізушілерге қызмет көрсетпейді, ал 6 шілдеде Астана күніне байланысты жабық болады деп хабарлады.

1 шілде арнайы ХҚКО үшін жұмыс күні болып белгіленді. Бұл күні олар сағат 20:30-ға дейін ашық болса, 7-8 шілдеде кезекші орталықтар жүргізушілерді 13:00-ге дейін қабылдайды.

Естеріңізге сала кетейік, елімізде шетелдік көлік заңдастыру соңына таяп қалғандықтан, ХҚКО қатаң режимде жұмыс істеп жатыр. Көлік иелері 1 шілдеге дейін жұмыс күндері 9:00-19:00 (құжаттарды 20:30-ға дейін алады), ал сенбі 9:00-18:00 аралығында (құжаттарды 19:30-ға дейін алады) арнайы орталықтарға жүгіне алады.