Жүргізуші куәлігін енді тек онлайн алуға болады

ІІМ мен Жасанды интеллект министрлігі жүргізуші куәлігін беру бойынша пилоттық жобаны іске қосты. Эксперимент биыл 16 қазанда басталды, ол 2026 жылдың 1 қыркүйегіне дейін жалғасады. Жоба аясында жүргізуші куәлігін алғаш алу немесе ауыстыру туралы өтінім eGov.kz порталы, EgovMobile және «ЦОН» мобильді қосымшалары, сонымен қатар екінші деңгейлі банктердің ақпараттық жүйелерінің көмегімен қабылданады. Енді арнайы ХҚКО мұндай өтінімді қабылдамайды, тек шетел азаматының жүргізуші куәлігін ұлттық куәлікке ауыстырады.

Куәлік алғысы келген үміткердің өтінімі психоневрологиялық және наркологиялық диспансерлердің базасында тексерістен өтеді, бұрын жүргізуші куәлігінен айырылған-айырылмағаны, қандай да бір шектеу бар-жоғы анықталады. Жаңа жүргізушілер онлайн түрде автомектепте оқығанын растап, теориялық және практикалық емтихан тапсыратын күндң, уақытты брондай алады. Барлық кезеңнен сәтті өткеннен кейін қосымшада куәлік үшін баж төлеуге болады. Құжатты бұрынғыдай «Азаматтарға арналған үкімет» мемлекеттік корпорациясының қызметкерлері береді.