Емтихан тапсыру және жүргізуші куәлігін беру ережелеріне өзгерістер енгізу туралы жобаны ҚР Ішкі істер министрлігі мен Цифрлық даму министрлігі бірге дайындады.
Бұйрық жобасына сай, ережедегі 74-тармақ (А және А1, В және В1 санатындағы көлік құралын басқару құқығын алуға өз бетінше дайындалған емтихан тапсырушылар теориялық емтихан тапсыру кезінде немесе практикалық емтихан тапсыру кезінде үш рет теріс баға алса, емтиханды алты айдан кейін ғана қайта тапсыра алады) алынып тасталады. Сонымен қатар үміткер көлік жүргізу сынағынан өте алмаса, теориялық емтихан нәтижесі жойылатын ереже күшін жояды.
Жаңа ереженің жұмыс тәртібі қандай?
Теориялық емтихан тапсырушы құжатын емтихан күніне дейін бір жұмыс күнінен кешіктірмей электронды үкімет порталы, eGov mobile мобильді қосымшасы арқылы немесе тікелей мамандандырылған ХҚКО-ға жіберуі керек. Мемлекеттік корпорацияға хабарласқан кезде жеке куәліктің орнына оның электронды көшірмесін ұсынуға болады.
Құжат өткізген кезде үміткер теориялық емтихан тапсыратын мамандандырылған ХҚКО-ны, күні мен нақты уақытын өзі таңдайды. Ал емтиханға кірер алдында міндетті түрде биометриялық сәйкестендіруден өтеді.
Теориялық емтихан нәтижесі тапсырған күннен бастап бір жылға дейін жарамды болады.
«Азаматтарға арналған үкімет» Kolesa.kz-ке түсіндіргендей, жаңа ереже пилоттық режимде Алматы мен Нұр-Сұлтанда іске қосылады. Жоба 2021 жылы қазаннан бастап 2022 жылы қыркүйекке дейін сынақтан өтеді.
Комментариев: 0