Әлеуметтік желіде қызметтік машинаның (борт нөмірі — 5195) алдыңғы жолаушы орнында отырған азамат пен полиция формасын киген адамның әңгімесі жазылған ролик тарады. Видео Қостанай қаласында дронға түсіпті. Бейнежазбадан әңгіме барысында тәртіп сақшысы қолын төмен түсіріп, сөмкенің аузын ашқандай әрекет жасағаны байқалады, осы сәтте жанында отырған кісі ашық түсті шағын затты сол жерге салады (видео сапасы жақсы емес). Содан кейін полицей мен ер адам қол алысып, қызметкер оған бір нәрсе береді. Көп ұзамай көліктен түсіп, жақын тұрған Volkswagen-ге отырады. Ал оның орнына сыртта тұрған полиция формасындағы басқа адам жайғасады. Бұл әрекеттер әдетте көп кездесетін «көлікке отырыңыз, офицермен сөйлесіңіз, ол бәрін түсіндіреді» деген сценарийге ұқсайды.
Халық оқиғаны желіде қызу талқылап жатыр. Ал Қостанай облысы Полиция департаменті видео 7 ақпанда тіркелген, онда полиция экипажының жол ережесін бұзған «фольксваген» жүргізушісін тоқтатқан сәті жазылған деп мәлімдеді.
«Жүргізуші әкімшілік жауапқа тартылды. Ақша бергенін не басқа заңсыз әрекет болғанын растаған жоқ», — деді ПД өкілдері. Мекеме бұған қатысты тексеріс жүріп жатқанын атап өтті.
Машина ішінде қандай әңгіме болды деп ойлайсыз?
18.02.2026 ж.
Сәл кейін әлеуметтік желіде жүргізушінің жазбасы жарияланды,
Комментариев: 0