Lexus LX570 пен Dodge Charger көліктерінің Шымкенттегі Қонаев даңғылы мен Жандосов көшесінде қарама-қарсы бағытта қозғалып келе жатқан сәті түскен бейнежазба жуырда әлеуметтік желіде пайда болған еді. Ереже бұзғандар тіпті жүргін бөлікке орнатылған ақылды камералардан да қымсынбаған.
View this post on Instagram
Дегенмен, тәртіп сақшылары жедел қимылдап, әлгі жүргізушілерді қолға түсіріпті. Жол қозғалысы ережелерін бұзуға болмайтыны жөніндегі түсіндіру шараларынан бөлек, олардың атына ҚР ӘҚБК-нің баптары бойынша бірқатар хаттамалар толтырылған: 606 «Жол жүрiсiне қатысушының жол жүрiсi қағидаларын авариялық жағдай туғызуға әкеп соққан бұзушылығы», 614 «Көлiк құралдарының жүруіне кедергi келтіру», 590 «Көлiк құралдарын пайдалану қағидаларын бұзу» және 596 “Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу. Көлік тізгіндеген бұзақылардың ісі сотқа жіберіледі, ал ереже бұзғандар жүргізу куәлігінен қағыла ма, жоқ па, ол жағын сот шешетін болады.
Комментариев: 0