Шенділер тым көп қаржыны қажет ететін күрделі жөндеу жұмыстарынан биыл бас тартпақ ниетте.
— Осы жылдан бастап біз суық ресайклинг әдісі арқылы жүргізілетін үнемді орташа жөндеу жұмыстарын қолға алмақпыз. Жергілікті жолдар желісін жөндеуді қаржыландыру көлемі 200 млрд теңгені құрайды, бұл 5 мың шақырымнан аса аумақты қамтуға мүмкіндік береді, — деп жуырда ҚР индустрия және инфрақұрылымдық даму министрі Роман Скляр мәлімдеді. Оның айтуынша, ИИДМ жол жөндеудің әлдеқайда үнемді әдісі 30 мың шақырымнан аса тас жолды жөндеуден өткізіп, жергілікті маңызға ие жолдардың 95 %-ын жақсартуға жағдай жасайды деп шешкен.
Анықтама ретінде: суық ресайклинг технологиясы бізге таңсық дүние. Әлемдік тәжірибеде оның қолданыла бастағанына шамамен 15 жыл болды. Аталған әдістің ерекшелігі мынада: жол жабынын фрезер көмегімен алып, ұнтақтайды да, дәл сол жерде тұтқыр заттармен араластырып, кәдімгі каток көмегімен тегістейді және таптайды. Мұның бәрі тек материалды ғана емес, уақытты да үнемдейді.
Комментариев: 0