Жолдағы қоқыс электромобиль үшін қауіпті

Бір апта бұрын Нью-Джерси штатының Ньюарк қаласында жол бойында Tesla Model 3 отқа оранды. Бұл таң қалатын оқиға емес дерсің, себебі әлем бойынша 4 миллион Model 3 және Model Y жолда жүр, статистикалық мәліметтерге сүйенсек, олар жиі келеңсіз жағдайға тап болады.

Бұл жолы оқиғаның себебі назар аудартты. Жүргізушінің сөзінше экранға қауіпті жағдай туралы ескерту шығар алдында ол қатты затты басып өткен. Ер адам бірден жедел қызмет тобын шақырып, түбінен түтін шығып жатқан машинаны өшіріпті.

Әдеттегідей электромобильді сөндіру ұзаққа созылды. Аккумулятордың қызып кетуі ойнайтын дүние емес. Ал өрттің неден шыққанын әлі зерттеу керек.

1 / 8

• 
• 
• 
• 
• 
• 
• 
• 

1 / 8

Он жыл бұрын жаңа Tesla Model S қоқысты басып кетіп, өздігінен бірнеше рет өртенген еді. Осыдан кейін АКБ-ның сапасы сын көтермейтіні анықталды. Аккумуляторды қорғау үшін астына титаннан жасалған пластина мен алюминий дефлектор орнатты.

Бұл мәселе осымен шешілді деуге болар еді, бірақ Ньюарктағы жайт кездейсоқ сынық қорғаныстан өтіп, ұсақ батареяларға ұқсас цилиндрлі элементтерден тұратын аккумуляторға өтіп кетіпті, бұны машинаны оқиға орнынан алып кеткеннен кейін асфальттағы қалдықтардан білген.

Tesla электромобиль түбіне қосымша өзгеріс енгізе ме, жоқ па, белгісіз. Бірақ NTHSA мәжбүрлесе, амал жоқ іске асыруға тура келеді. Қандай жағдай болмасын электромобиль иелеріне жолда абай болу керек. Былтыр су жаңа Xpeng P7 де осындай себеппен өртеніп кеткен.