Нұр-Сұлтанның жол-көлік инфрақұрылымын дамытуға келесі жылы бюджеттен 50 миллиард теңге бөлу қарастырылған. Оның 4,8 миллиарды 358 автобус сатып алуға жұмсалады. Ал бұрын алынған 210 автобустың ақысын төлеу үшін 5.7 миллиард, 504 бағдаршамның қауіпсіздігін қамтамасыз етіп, сақтау үшін 1.3 миллиард, автокөлік жолдарының қызметін қамтамасыз ету үшін 5.3 миллиард теңге бөлінеді. Қазіргі уақытта көшедегі ой-шұқырды тегістеп, аялдамалар мен тұрақ орындарын, тротуарларды жөндеу жұмыстарына 1 миллиард 200 миллион теңге бөлінеді.
Қаланың Көлік және жол-көлік инфрақұрылымын дамыту басқармасы лимитті тағы 12 миллиардқа көтеруді сұрады. Олар 9.1 миллиард теңгеге астанадағы 22 көшені (36 шақырымға жуық) орташа жөндеуден өткізіп, Өндіріс, Кирпичный, Агрогородок, Промышленный, Юго-Восток, Пригородный және Заречный аудандарындағы 52 көшеге асфальт төсеуді жоспарлап отыр.
Анықтама ретінде: бүгінгі күні 9.1 миллиард теңге 23 401 738.41 АҚШ долларына тең.
Комментариев: 0