Жақында Алматыдағы Серкебаев даңғылының (бұрынғы Гагарин даңғылы — Kolesa.kz ескертпесі) асфальті ауысқан, сол кезде көшеде жаяу жүргіншілер өткеліндегі қауіпсіздік аралымен қатар, ерекше жол таңбасы пайда болды. Кей жол бөлігінің жиегіне сары түсті пунктир сызылған. Бұл жол жөндеушілердің кезекті эксперименті ме, әлде жүргізушілер жол ережесін ұмытып қалған ба?
Жүргін бөліктегі жол таңбасы
Қазақстанда әдетте жол жиегіне таңба сызылмайды немесе ақ не сары түсті тұтас сызық кездеседі. 1.4 индексті екінші таңба ол жерге машина тоқтатуға болмайтынын білдіреді. Ол жеке тұрып та, 3.27 белгісімен бірге де жұмыс істейді.
Сары пунктир
Мұндай жол таңбасы жол ережесінің «Көлденең таңбалар» бөлімінде кездеседі, индексі — 1.10. Ол жеке тұрып та, 3.28–3.30 жол белгісімен бірге де жұмыс істейді. Бұл таңба тұрған жерге машина қоюға болмайды.
Яғни бұл таңба эксперимент емес, жол ережесінде бұрыннан бар. Тек Алматыда кездеспейтіндіктен, жүргізушілердің есінен шығып кеткен.
Серкебаев даңғылындағы пунктир
Серкебаев даңғылында 1.10 таңбасы кейбір автобус аялдамасының жанына сызылған, мұны жақсы жаңалық деуге болады. Әдетте мұндай жерде 1.17 таңбасы сызылады, ол автобус тоқтайтын жер және такси тұрағы дегенді білдіреді. Ондай таңба заңға бағынатындарға жолаушы түсірерде қиындық туғызатын. Ал аялдауға рұқсат беретін пунктир осы мәселені шешеді.
Комментариев: 0