Польшада 1992 жылғы BMW 740i сатылымға шықты. Аталған модель сирек кездеседі деп айту қиын, бірақ бұл ерекше нұсқа, себебі ол жап-жаңа.
1992 жылдың көктемінде бұл машинаға британиялық азамат тапсырыс беріпті. Өкінішке орай, ол көлігін алмастан өмірден озған. Ал темір тұлпар 2015 жылға дейін дилерлік орталықтың гаражында тұрады. Компания мамандары тапсырыс берген кісінің мұрагерлері келіп, көлікті алып кетеді деп күткен, бірақ оны іздеген жан болмады.
2015 жылы BMW жаңа иесін тауып, мың шақырымға жуық жолды еңсереді.
«Жетілікке» 286 ат күшіне ие 4 литрлік V8 орнатылған, ол 5 сатылы автоматпен жұптаса жұмыс істейді.
740i бәссаудаға салынбақ. Сатушылар одан 45 мың еуро пайда табуды көздеп отыр.
![«Семёрка» BMW E32 простояла у дилера 23 года](https://kolesa-photos.kcdn.online/kolesa-read/2020/06/15/bmw-740i-16-872x581-full.jpg)
E32 шанағындағы 7-сериялы BMW-ны Қазақстаннан да табуға болады. Қазіргі уақытта Kolesa.kz сайтында 1986 және 1994 жылдар аралығында шығарылған 50 көлік сатылуда. Бірақ басым бөлігінің жағдайы көңіл көншітпейді. Жақсырақ сақталғандарының бағасы 3.2-3.3 млн теңге шамасында.
Комментариев: 0