Елдегі автоөндіріс саласы қарқынды дамып келеді. Тамызда 7 772 техника шығарылып, сегіз айдағы көрсеткіш былтырғымен салыстырғанда бір жарым есе жоғары болды.
ҚАБА мәліметіне сүйенсек, тамызда Қазақстанда құрастырылған автокөліктер үлесі 71 %-ға тең. Ал өткен жылы бұл көрсеткіш 50 %-ға да жетпеген. Жаздың соңғы айында сатылған 9 мың машинаның 6 300 данасы біздің елде өндірілген.
Бұлардың жартысынан көбі Қостанайдағы «СарыарқаАвтоПром» өнімі. Кәсіпорын Hyundai, Chevrolet және JAC көліктерін Ресей мен Өзбекстанға экспорттайды.
Өскемендегі «Азия Автода» Kia мен «Лада» құрастырылады. Сегіз айда конвейерден 17 766 темір тұлпар шықты. Алматыдағы Hyundai Trans Kazakhstan зауыты іске қосылған бес ай ішінде 2272 автокөлік құрастырды.
Комментариев: 0