2024 жылғы қаңтардың 22-нен 23-іне қараған түні Алматыда болған жер сілкінісінен кейін қала тұрғындары мұндай сәтте не істеу керегін ойлана бастады. Үйдегі әрекет алгоритмін бәрі біледі деп ойлаймыз, оны мектептен бастап үйретеді. Ал қоғамдық көлікте, әсіресе жер астында жүргенде не істеу керек?
Алматы метросы зілзалаға төзімді ме деген сұрақ бұған дейін бірнеше рет қойылған. Әсіресе былтыр Түркиядағы жойқын жер сілкінісінен кейін бұл сұрақ көп адамды мазалады.
Ақпанда Төтенше жағдайлар министрлігі жоба жасаған кезде Алматының күрделі геологиялық жағдайы мен жоғары сейсмикалық деңгейі ескерілгенін мәлімдеді. Жоба бойынша метро 9 балдық дүмпуге шыдайды. Жер сілкінісі кезінде жерасты құрылысының қауіпсіздігін қамтамасыз ету үшін тоннельдерде әрбір 25–30 метр сайын деформациялық-техникалық жік орнатылады.
Метрополитеннің баспасөз қызметі зілзала кезінде пойыз немесе бекетте қалып қойған жолаушылар не істеу керегін айтып берді.
Апат кезінде қолданатын тежеуішті басу керек пе?
Жоқ. Өз бетіңізше әрекет етпеңіз. Қауіп төнсе метроның қауіпсіздікке жауапты қызметкерлері адамдарға дер кезінде хабарлап, нақты не істеу керек екенін түсіндіреді.
Бірақ жүріп келе жетқанда кез келген күдікті ақау жөнінде іштегі интерком арқылы машиниске хабарлай аласыз. Әрбір вагонда микрофоны бар қоңырау шалу түймесі орнатылған. Жүргізуші қауіпсіздік талабына сай шешім қабылдайды.
Машинист жер сілкінгенін қалай біледі?
Метроның бүкіл бағыты бойынша диспетчер мен жүргізушілер арасында радиобайланыс жұмыс істейді.
Егер вагон есігі жабық болса, арнайы қызметтің келгенін күту керек. Пойыз ішінде адамдардың өмір сүруіне жеткілікті оттегі болады.
Мамандар бекетте құрылымы мықты бағана іздеудің қажеті жоқ айтты. Метрополитенде барлық жердің қауіпсіздігі бірдей. Бірақ жарнама құрылғысы мен дисплей жанына тұруға болмайды.
Комментариев: 0