4 наурызда сағат 11:22-де оңтүстік астанада жер сілкінді. Эпицентрі Алматыдан 31 шақырым жерде, Қырғызстан шекарасынан бастау алған. Энергетикалық класы — 13.2. MPV магнитудасы — 6.1. Тереңдігі — 10 км.
Алматыда 5 балдық дүмпу сезілді.
Биыл қаңтардың аяғында болған оқиғадан кейінгі сияқты, бүгін де қала орталығында және сыртында кептеліс көбейді. Метро әлі тоқтап тұр.
Метрополитеннің баспасөз қызметі хабарлағандай, «қозғалыс қауіпсіздігін қамтамасыз ету мақсатында метрополитен мамандары тоннельдерді тексеру жұмыстарын жүргізеді. Осыған байланысты Төтенше жағдайлар департаментінен кіруге рұқсат алғаннан кейін үш сағат ішінде метро жұмысы қайта жанданады. Қосымша ақпарат департаменттің ұсыныстарын алғаннан кейін жарияланады. Метро аймағында ешқандай зақым жоқ, жолаушылар эвакуацияланды».
«Қаладағы қозғалыс тұрақты және бақылауда. Бағдаршам қалыпты жұмыс істеп тұр, қаланың негізгі көшелерін тәртіп сақшылары қолмен реттеуге көшті. Мектептер мен балабақшалардың жанында көлік қозғалысы артты, ата-аналар балаларын үйлеріне алып кетуде. Алматыдан шығатын жолдар бос, көлік легі бірқалыпты. Жанармай бекеттеріндегі жағдай да тұрақты, кептеліс жоқ» екенін Алматы полициясы хабарлады.
Комментариев: 0