Бүгін ӨДҚ басқарма төрағасының орынбасары Ринат Ғаппаров смартфон арқылы өтініш беру мүмкін емес екенін айтты.
«Смартфон арқылы ЭЦҚ кілтімен өтінішке қол қою мүмкін емес. Бұл бот пен алаяқтардан қорғану амалы. ЭЦК пулға кім кіргенін нақты көрсетеді, кейін ондағы орынды ешкімге бере алмайсыз», — деді қор басшысы. Ол электронды кезекті сату мүмкін емес екенін айтады. Несие өтініш берген кезде ЖСН нөмірі тіркелген азаматқа ғана беріледі.
Р. Ғаппаров қор тұрғындарға бұл жолы 761 өтініш қана қабылданатынын алдын ала ескерткенін айтты. Өтініш саны осы шекке жеткеннен кейін сервис жұмысы бірден тоқтады.
«Бағдарламада кемшіліктер болды, оны алда түзетеміз. Наурыздан бастап ай сайын автонесие берілгенде мұндай қателіктер болмайды деп үміттенемін. Платформаны үнемі жетілдіріп отырамыз, өйткені бағдарлама 30 жыл жұмыс істейді, алғашқы 25 жылда несие береміз, ал соңғы бес жылда тек қарыз қайтарылады», — дейді ӨДҚ басқарма төрағасының орынбасары.
ҚР премьер-министрінің орынбасары Ерұлан Жамаубаев жеңілдікті автонесие бағдарламасын қосымша қаржыландыру туралы үкіметке өтініш түспегенін айтты. Демек бағдарламаға былтыр жазда берілген несиеден қайтқан қаржы ғана жұмсалады. Ал наурызда ӨДҚ тек жүзге жуық өтініш қабылдайды.
6 ақпанда 761 тұрғын 18 секундта өтініш беріп үлгерді.
Комментариев: 0