Бағдарламаны бекіту жөніндегі басқарма қаулысын Ұлттық банк жуырда жариялады. Құжатқа сай, ҚР ҰБ бес жыл ішінде «Қазақстанның орнықтылық қорына қаржы аударады, ал ол өз кезегінде ақшаны «Қазақстанның даму банкі» АҚ-на береді, ал ҚДБ екінші деңгейлі банктерге 20 млрд теңгеден жіберіп отырады.
Ақшаны соңғы болып алатын жеке тұлғаларға несие беру үлгісі бұрынғыдай:
| Көрсеткіш | Шарты, мәні |
| Сатып алынатын автокөліктің ең жоғарғы бағасы | 15 млн теңге |
| Қарыз мерзімі | 7 жылдан ұзақ емес |
| Қарыз валютасы | Теңге |
| Атаулы жылдық сыйақы мөлшерлемесі | 4 %-дан жоғары емес. Бұл ретте қарыз алушы үшін Ұлттық банк анықтайтын сыйақы мөлшерлемесі қарыз алушының сақтандыру мен автокөлікті кепілге қою бойынша кеткен шығындарын есепке алғанда, жылына 7.5 %-дан аспауы тиіс. |
| Басқа шарттар | Қарыз алушылар отандық өндірістен шыққан жеңіл автокөлікті сақтандыру және кепілге қою бойынша шығындарды төлейді. |
| [1] Қарыздар мен салымдар бойынша шынайы, жылдық, тиімді, салыстырмалы есептеудегі сыйақы мөлшерлемелерін (нақты құнын) есептеу қағидаларын бекіту туралы Қазақстан Республикасы Ұлттық Банкі Басқармасының 2012 жылғы 26 наурыздағы № 137 Қаулысы | |
Ұлттық банк мамандары бағдарламаның жүзеге асуы автоөнеркәсіп кешені мен экономиканың іргелес салаларының дамуына оң әсер етеді, ел тұрғындарының отандық жеңіл автокөліктермен қамтамасыз етілуін арттырып, жаңа жұмыс орындарының ашылуына және инвестициялық климаттың жақсаруына жағдай жасайды деп күтеді.
ҚР ҰЭМ-нің Статистика комитетінің деректеріне сәйкес, 2018 жылы Қазақстанда 24.3 мың отандық автокөлік сатылған. Алдыңғы жылмен салыстырғанда, сату көлемі 44.1 %-ға артты. Нәтижесінде жалпы сатылған автокөліктер ішіндегі отандық көліктердің үлесі 2017 жылғы 40 %-дан 2018 жылы 48 %-ға артқан. Яғни, бұл елде сатылған әрбір екінші автокөлік Қазақстанда жасалған деген сөз.
Жалпы 2018 жылы еліміздегі екінші деңгейлі банктер 222.1 млрд теңге сомасына 92.5 мың автонесие берді. Kolesa.kz сайтында қалтаңызда толық қаражат болмаса да, темір тұлпарды сатып алуға мүмкіндік бар. Сіз онлайн өтінім беріп, банктің автонесие бойынша шешімін 1 минуттың ішінде біле аласыз!
Комментариев: 0