Жеңілдетілген автонесие беру бағдарламасы қазақстандық автосалондардың саудасын жүргізбек. Бүгінгі күннен бастап аталған бағдарламаға 10 млрд теңге бөлінді, ол қаржының 8 миллиарды отандық автокөліктерді сатуға, ал қалған қаражат заңды тұлғалар мен жеке кәсіпкерлерді қаржыландыруға жұмсалады. Қазіргі таңда мемлекет бағдарламаға 34 млрд ақша құйған.
Несиелеу шарттары:
- Несие бойынша тиімді мөлшерлеме сақтандыру мен автокөлікті кепілдікке қоюды рәсімдеу үшін кеткен шығындарды қоса есептегенде, жылына 7,5 %-дан аспауы тиіс.
- Мерзімі — 7 жылға дейін.
- Қарыздың валютасы — теңге.
- Автокөліктің бағасы 15 000 000 теңгеден аспау керек.
Анықтама ретінде айтсақ, 2015 жылдың мамырынан 2019 жылдың 25 сәуіріне дейін Қазақстанның Даму банкі екінші деңгейлі банктердің автонесиелендіру бойынша берген 14 171 сұранымын мақұлдап, жалпы сомасы 61.01 млрд теңгені құрайтын қаражат бөлген. Олардың ішінде екінші деңгейлі алты банк отандық автоөндірушілерге тиесілі автокөліктерді сатып алу мақсатында жалпы сомасы 58.46 млрд теңгені құрайтын 13 599 несие рәсімдепті.
- Естеріңізге сала кетейік, жеңілдетілген автонесие бағдарламасы Қазақстанда 2015 жылы іске қосылды.
- 2016 жылдың басында бағдарлама үшін бастапқыда бөлінген 20 млрд теңгеге тағы 11 млрд қосылды.
- 2016 жылдың қазан айында бағдарламаның шарттары өзгеріп, автокөлік бағасының шегі 9-дан 15 млн теңгеге дейін көтерілді, ал несие мерзімі 5 жылдан 7 жылға дейін ұзартылды.
- 2018 жылдың басында жеңілдікпен берілетін несиелер үшін тағы 8 млрд бөлінді.
Жеңілдетілген автонесие бағдарламасы бойынша алуға болатын көліктер тізімі
| Маркасы,үлгісі | Шанақ типі, классы | Қозғалтқышы | Жетегі | Бағасы |
| Chevrolet Aveo | седан, B классы | 1.6 | алдыңғы | 4.9-дан 5.6 млн теңгеге дейін |
| Chevrolet Captiva | орташа көлемді кроссовер | 2.4–3 | толық | 8.4-тен 10.7 млн теңгеге дейін |
| Chevrolet NIVA | орташа көлемді жол талғамайтын көлік | 1.7 | толық | 3.3-тен 5.3 млн теңгеге дейін |
| Chevrolet Tracker | шағын кроссовер | 1.4–1.8 | алдыңғы, толық | 5.6-дан 7.9 млн теңгеге дейін |
| Hyundai Accent | седан, B классы | 1.6 | алдыңғы | 5.6-дан 6.2 млн теңгеге дейін |
| Hyundai Creta | шағын кроссовер | 1.6 | алдыңғы | 6.9-дан 7.4 млн теңгеге дейін |
| Hyundai Elantra | седан, С классы | 1.6–1.8 | алдыңғы | 6.6-дан 8.8 млн теңгеге дейін |
| Hyundai Santa Fe | кроссовер | 2.4 | толық | 11.7-ден 15.9 млн теңгеге дейін | Hyundai Sonata | седан, D классы | 2.0–2.4 | алдыңғы | 8.6-дан 11.2 млн теңгеге дейін |
| Hyundai Tucson | шағын кроссовер | 2.0 | алдыңғы, толық | 8.3-тен 11.4 млн теңгеге дейін |
| JAC S3 | шағын кроссовер | 1.8 | алдыңғы | 4.8-ден 5.6 млн теңгеге дейін |
| JAC S5 | шағын кроссовер | 2.0 | алдыңғы | 5.9-дан 6.6 млн теңгеге дейін |
| Kia Cerato | седан, С классы | 1.6–2.0 | алдыңғы | 6.5-тен 9.1 млн теңгеге дейін |
| Kia Optima | седан, D классы | 2.0–2.4 | алдыңғы | 9.2-ден 12.3 млн теңгеге дейін |
| Kia Picanto | хэтчбек, A классы | 1.2 | алдыңғы | 4.7-ден 5.6 млн теңгеге дейін |
| Kia Rio | седан, B классы | 1.6 | алдыңғы | 5.9-дан 6.8 млн теңгеге |
| Kia Soul | шағын кроссовер | 1.6–2.0 | алдыңғы | 6-дан 8.6 млн теңгеге дейін |
| Kia Sorento | кроссовер | 2.4–3.5 | толық | 11.7-ден 15.3 млн теңгеге дейін |
| Kia Sportage | шағын кроссовер | 2.0–2.4 | алдыңғы, толық | 8.6-дан 11.8 млн теңгеге дейін |
| Kia Stinger | лифтбек, D классы | 2.0–3.3 | артқы, толық | 12.5-тен 17.9 млн теңгеге дейін |
| LADA 4×4 5D | шағын жол талғамайтын көлік | 1.7 | толық | 3.7-ден 4.1 млн теңгеге дейін |
| LADA 4×4 | шағын жол талғамайтын көлік | 1.7 | толық | 3.5-тен 3.8 млн теңгеге дейін |
| LADA Granta | седан, лифтбек, хэтчбек, универсал, B классы | 1.6 | алдыңғы | 3.1-ден 4.1 млн теңгеге дейін |
| LADA Largus | универсал, B классы | 1.6 | алдыңғы | 4.2-ден 5.1 млн теңгеге дейін |
| LADA Vesta | седан, универсал B классы | 1.6–1.8 | алдыңғы | 4-тен 6 млн теңгеге дейін |
| LADA XRAY | хэтчбек, B классы | 1.6–1.8 | алдыңғы | 4.2-ден 5.8 млн теңгеге дейін |
| Peugeot 301 | седан, B классы | 1.2–1.6 | алдыңғы | 4.9-дан 5.5 млн теңгеге дейін |
| Škoda Kodiaq | орташа көлемді кроссовер | 2.0 | толық | 12.1-ден 15.4 млн теңгеге дейін |
| Škoda Octavia | лифтбек, С классы | 1.4–1.8 | алдыңғы | 6.6-дан 9 млн теңгеге дейін |
| Škoda Superb | лифтбек, D классы | 2.0 | алдыңғы, толық | 10.2-ден 14.3 млн теңгеге дейін |
| Škoda Rapid | лифтбек, В классы | 1.6 | алдыңғы | 5.4-тен 6.8 млн теңгеге дейін |
| UAZ Hunter | орташа көлемді жол талғамайтын көлік | 2.7 | толық | 5.6 млн теңге |
| UAZ Patriot | орташа көлемді жол талғамайтын көлік | 2.7 | толық | 6.2-ден 7.9 млн теңгеге дейін |
Комментариев: 0