Тәртіп сақшысының «мінсіз» әрекетін видеоға түсіріп алған ШҚО тұрғыны, оны әлеуметтік желіге жүктеген.
«Бүгін түс ауа Меновновск қиылысында ЖМК жақтан Ертіс көпіріне қарай келе жатқан дабыл құралы мен жарық шамдары қосулы жедел жәрдем көлігін көрдім. Сол мезетте жол қиылысына полиция қызметкері шығып, жедел жәрдем көлігін қоса алғанда, осы лектегі көліктердің барлығының жүруіне тыйым салды! Сөйтсе, тәртіп сақшысы кортеждің өтуіне жағдай жасап тұр екен. Ал егер, дәл сол сәтте жедел жәрдем көлігінің ішінде өлім аузында жатқан адам болса ше? Мұндайда әр секунд маңызды емес пе. Мені қызықтыратын бір нәрсе, жолда осындай жағдай орын алғанда, кім басымдылыққа ие екен?» — деген сұрақ қояды автор.
Естеріңізге сала кетейік, өткен демалыста велосипедшілер үшін көшелер жабылған кезде де медицина қызметкерлері қаланың кейбір аудандарындағы емделушілерге дер кезінде жете алмаған болатын.
View this post on Instagram
Комментариев: 0