1 маусымнан бастап қысқы дөңгелекпен жүруге болмайды. Бұл шектеу жаз аяғына дейін қолданылады. Ереже бұзған жүргізушілер Әкімшілік кодекстің 590-бабы 5-бөлігі бойынша 5 АЕК (2022 жылы 15 315 теңге) айыппұл төлейді. Егер рұқсат етілмеген дөңгелекпен полицейлердің көзіне екінші рет түссеңіз, айыппұл көлемі 20 АЕК болады.
Көлік дөңгелегін ауыстыруға қолы тимей немесе ұмытып жүрген жүргізушілер тездетіп шина ауыстыратын орынға барғаны дұрыс.
Анықтама ретінде: Кедендік одақтың 018/2011 техникалық регламенті 5.5-тармағына сай «жазда (маусым, шілде, тамыз) бүртабан дөңгелекпен жабдықталған көлік құралын басқаруға тыйым салынады. Ал қыста (желтоқсан, қаңтар, ақпан) осы қосымшаның 5.6.3-тармағындағы талапқа сәйкес келетін қысқы дөңгелекпен жабдықталмаған М1 және N1 санатындағы көлік құралын басқаруға болмайды».
Комментариев: 0