Алматы билігі 7 маусымнан бастап Сейфуллин мен Жансүгіров түйіскен жерден машина тіке өте алмайтынын хабарлады. Бұл аумақты айналып өту керек болады.
14 маусымда Жансүгіров көшесінің Сейфуллиннің солтүстігіндегі бөлігінде қозғалыс шектеледі. Бұл 1 қыркүйекке дейін созылады.
Аталған жол бөлігіне мамандар жалпы ұзындығы 690 метрге жететін екі тоннельден тұратын жолайрық салады, ол Сейфуллинмен кедергісіз жүруге мүмкіндік береді. Одан бөлек жаяу жүргіншілерге арналған төрт жерүсті өткелі, тротуарлар салып, жан-жағын көгалдайды. Жөндеу жұмысы жыл аяғына дейін толық аяқталуға тиіс.
Комментариев: 0