Алматылық өнертапқыштардың идеясын жаңа әрі ерекше деп айту қиын. Жаяу жүргіншілер жолағының әлемдік тәжірибедегі осыған ұқсас нұсқаларын 2008 жылдан бері кездестіруге болады. Олардың авторы кореялық дизайнер еді. Кейінірек аталған жолақтарды лазерлі жарықпен жабдықтау Қазақстанда қолға алынады деген мәлімдемелер болған-тын.
Алматылықтар ұсынған жобаның басты айырмашылығы — су қабырғаның автокөлікті тоқтату үшін қолданылуында. Мысалы, Сиднейдегі тоннельдердің бірінде қозғалысты дәл осылай тоқтатады екен.
Бұл идея пайдалы деп айтуға негіз бар, егер жыл он екі ай жұмыс істемесе, әрине. Себебі қыста қабырғаның суы қатып қалады. Аталған жоба ІІД өкілдерінің көңілінен шықты. Дегенмен, әдеттегідей барлығы да қаражатқа келіп тіреледі. Бастапқы кезеңде өнертапқыштарға шамамен 4 млн теңге көлемінде ақша керек екен, ал мұндай сома әзірге жоқ.
Комментариев: 0