Жапонияға АҚШ-тан көлік жеткізу жеңілдейді

Трамптың сауда саясаты нәтиже беріп жатыр. NHK хабарлағандай, Жапония көлік министрлігі мұхит асып келген автомобильді тексеру және сертификат беру процесін жеңілдетті. Енді АҚШ-та жергілікті стандартқа сай жасалған жолаушы көлігі Жапонияның қауіпсіздік талаптарына сай келеді.

Екі елдің краш-тест нормалары сәйкес келмесе де, жапондар Америкадан келген модельдің құрылымы мен жабдықтарын өзгертіп, қосымша тексерістен өткізбейді. Жеңілдеген схема бойынша импортталған машинаның артқы әйнегіне қызыл жұлдыз белгісі бар жапсырма жабыстырады.

Америка мен Жапония арасындағы жаңа сауда келісімінің шарттарын алдымен Toyota пайдаланады. Былтыр желтоқсанда компания Жапонияға Camry, Highlander және Tundra модельдерін импорттайтынын хабарлады. Кейін Honda АҚШ-тан Pilot және Ridgeline жеткізуді көздеп отырғаны белгілі болды, ал Nissan Murano және Pathfinder жеткізуі мүмкін.

Бұл шара АҚШ пен Жапония арасындағы сауданы қыздыруға көмектеседі әрі америкалықтар қызмет ететін кәсіпорындардың жұмысы жанданады.