Америкалық «тойоталар» отанына оралады

Toyota АҚШ-та жасалған үш модельді Жапонияда сатуды жоспарлап отырғанын хабарлады. Олар — Camry седаны, Highlander кроссовері және Tundra пикабы.

Компания мұндай шешімді клиенттердің көңілінен шығу және екі ел арасындағы сауда қатынасын жақсарту мақсатында қабылдаған.

Бірақ бұл шешімнің коммерциялық болашағы бұлыңғыр көрінеді. Мысалы, Camry-ді Жапониядағы зауыттар құрастырған, сұраныс төмен болғандықтан модель 2023 жылдан бері мұнда сатылмайды. Ал Highlander, дәлірек айтсақ Kluger-дің саудасы елде 2007 жылы тоқтаған.

«Тундраға» қатысты да сұрақ көп. Бөтен елдегі жүргізушілердің талғамына сай жасалған пикаппен Жапонияның тар көшелерінде жүру қиын болуы мүмкін. Бірақ Күншығыс елінде мұндай машинаға қызығатындар бар. Жапон жолдарында аса көп болмаса да, импортталған Tundra мен басқа америкалық пикаптар көзге түседі.

Toyota өкілдері тағы бір маңызды жайтты ашып көрсеткен жоқ. АҚШ тек сол жақ рөлді көліктер шығарады, ал Жапонияда көбі оң рөлді. Ендеше Кентуккидегі зауыт оң рөлді машина құрастыра ма, әлде компания басқа амал таба ма, белгісіз.

Мысал ретінде Аустралияға арналған Toyota Tundra-ны атауға болады. АҚШ бұлардың сол рөлді нұсқасын шығарады, көлік жасыл құрлыққа жеткен соң Toyota-ның келісімімен Walkinshaw Automotive Group мамандары рөлін оң жаққа ауыстырады.