Былтыр жазда Жапония үкіметі Ресейге қозғалтқыш көлемі 1.9 литрден асатын жаңа және ұсталған бензинді және дизельді көлік, сондай-ақ гибрид және электрлі автомобиль экспорттауға тыйым салды.
ТАСС хабарлағандай, былтыр қарашаға дейін Владивостокқа жол тартқан жапон машиналарының саны азайған еді, кейін импорт көлемі қайта өсе бастады. Владивосток кеденінің баспасөз қызметі соның нәтижесінде импорт бастапқы қалыпқа жетті деп мәлімдеді. Биыл 7 айда жекелеген адамдар 144 мың машина ресімдеген.
Шектеуге байланысты Ресей тұрғындарының таңдауы мотор көлемі аз модельдерге түскен. Олар аса қуатты емес көлік мінуді жөн көргенмен, оң рөлді техникадан бас тартпақ емес.
Комментариев: 0