Биыл қыркүйекте Subaru Қазақстан және өзге де бірнеше елде XV деп аталатын Impreza хетчбэгінің жаңа буынын таныстырды. Модельдің бұрыннан таныс келбеті өзгерген жоқ, бірақ жаңарған SGP платформасына көшіп, салоны заманауи түске енді және шағын электромотормен бірге 2 литрлік қозғалтқышын сақтап қалды. Сондай-ақ машинаның XV атауы келмеске кетті, енді хетчбэк барлық елде Crosstrek деп аталады.
Автомобиль Жапонияда 2023 жылдың басында сатылымға шығады. Subaru модельдің бағасын жариялады. Crosstrek өз елінде екі комплектацияда ұсынылады, алдыңғы немесе толық жетектің бірін таңдауға болады.
Ең арзан Touring жиынтығы 10 % салықты қоспағанда 2.4 млн иен тұрады, ал ең үздік толық жетекті Limited түрленімі 3 млн иенге бағаланып отыр. Мұны теңгеге шақсақ 8.3–10.2 млн аралығында болады.
Қазақстанда екінші буындағы XV әлі сатылып жатыр. Машина біздің елде де екі комплектацияда қолжетімді, бағасы — 15.3–18 млн теңге. Демек Жапониядағы ең жаңа Crosstrek модельдің Қазақстандағы ең қарапайым нұсқасынан бес млн теңге арзан тұрады.
Комментариев: 0