Land Cruiser 300-дің ралли стиліндегі экстремал нұсқасы шығады

Toyota концерні Land Cruiser 300-дің Rally Raid деп аталатын жаңа түрленімін таныстырды. Атауынан машина Toyota-ның «Дакардағы» жеңісін еске алуға арналғанын білініп тұр, жүріс бөлігі ралли стилінде жасалған. Марка мұндай көліктің 24 данасын ғана жасап, бәрін Жапонияда сатады.

1 / 5

• 
• 
• 
• 
• 

1 / 5

Rally Raid дизельді мотормен жүретін Land Cruiser 300 GR Sport-қа негізделген. Жаңа өнімнің сырт пішіні әдеттегі модельден ралли-рейд командасының логотипі, лай шашыратқыш, Toyo Open Country шинасымен қапталған 18 дюймдік Enkei дискісі және қызыл түсті тежеуіш суппортымен ерекшеленеді.

Шассиде жаңа амортизатор мен серіппе пайда болды, олар машинаның жолсыз жерде жылдам жүруіне мүмкіндік береді. Шанақты рамамен қосатын бекіту нүктелері мығым болады. Салонда бүйірлік тіреуі бар кресло мен крузактың сұлбасы бейнеленген тақтайша көзге түседі. Жол талғамайтын көлік бұрынғыдай 309 ат күшіне ие (700 Нм) 3.3 литрлік дизельді мотормен жүреді, ол 10 сатылы автомат және толық жетекті жүйемен жұмыс істейді.

Toyota небәрі 12 дана осындай Land Cruiser 300 шығарады, сондай-ақ қазір бар 12 машинаны дәл осылай жабдықтауды ұсынады. Дайын автомобильдің бағасы 9 380 800 иен (34.3 млн теңге), яғни ол әдеттегі GR Sport-тан 1 млн иен қымбат. Тюнинг-кит 1 511 400 иен (5.5 млн теңге) тұрады. Бірақ мұндай «үш жүздікті» сатып алу құқығына лотерея арқылы ғана қол жеткізуге болады, ұтысқа қатысуға өтініш қабылдау басталды.