Жапонияда көп ұрланатын көлік — Toyota Land Cruiser

Жалпы ұрлық бойынша Жапония ең төменгі орында. Сақтандыру қауымдастығының мәліметі бойынша былтыр 2597 автомобиль қолды болса, 2022 жылы полицияға — 2656, 2021 жылы 2425 адам шағымданған. Бұл тіркелген 82 миллион көлік (мотоциклді қосқанда) үшін өте төмен көрсеткіш.

Қызық статистика жариялаған Response.jp басылымы былтыр оқиғаның жартысынан көбі (58.4 %) 22:00-ден кейін болғанын атап өтті.

Жергілікті ұрылардың қалауы бірдей. Үш жыл қатарынан Land Cruiser-дің барлық нұсқасы, соның ішінде Prado да бірінші тұр. Ұрыларды Alphard пен Prius та қызықтырады. Кез келген жүргізушінің талғамына сай келетін Toyota өнімдері көзге түсетін ондықта үстемдік етеді, тізімде Mercedes-Benz те жүр, бірақ басылым қай модель екенін атамады:

1. Toyota Land Cruiser — 383 жағдай.
2. Toyota Alphard — 364.
3. Toyota Prius — 307.
4. Lexus LX — 120.
5. Toyota Hiace — 60.
6. Toyota Crown — 53.
7. Toyota Vellfire — 43.
8. Lexus RX — 42.
9. Toyota Harrier — 37.
10. Mercedes-Benz — 37.

Honda, Nissan, Suzuki, Daihatsu және т.б. модельдер қылмыскерлерді мүлдем қызықтырмайтын сияқты. Неге екен?