Жергілікті басылымдар оны дерек тіркеуші құрал (event data recorder немесе EDR) деп атайды. Оның қызметі азаматтық авиацияда ұзақ уақыттан бері қолданылып келе жатқан құрылғыға ұқсас. EDR газ және тежеуіш педалінің орналасуы, қауіпсіздік белдігінің бекітілуі, автоматты тежеу жүйесінің қосылуы сияқты мәліметтерді жинайды. Барлық ақпарат секундына екі рет жаңарып отырады.
Ең маңыздысы, жүргізушілердің жеке өміріне қол сұғылмайды. Жиналған ақпарат тек техникалық сипатта пайдаланылады, жол апаты болған жағдайда оқиғаның мән-жайын білуге көмектеседі. Апат себебін (жүргізуші қателігі немесе техникалық ақау) анықтауға мүмкіндік береді. Сондай-ақ жиналған деректерді көлік құралының қауіпсіздігімен байланысты технологияларды жетілдіруге пайдалануға болады.
Nippon басылымы хабарлағандай, Жапонияның көлік министрлігі автоөндірушілерді 2022 жылы шілдеден бастап жаңа машиналарға дерек тіркеуші құрал орнатуға міндеттемек. Бұл ереже тоғыз адамға дейін сыятын жеңіл машиналарға және салмағы 3.5 тоннаға дейінгі жол талғамайтын көліктерге қолданылады.
Комментариев: 0