Жапондар электрлі AE86-ны уақытша жүргізе алады

Toyota автомобильдерін жалға беру бағдарламасына жауапты Kinto компаниясы жапондарға жаңа қызмет түрін ұсынды, тұрғындар AE86-ға (Toyota Corolla Levin) негізделген электромобиль концептісін мініп көрсе болады. Бірақ бұл мүмкіндік барлық адамға бірдей бұйырмайды.

3 сағаттық тест-драйв жасау мүмкіндігін Kinto лотерея арқылы ойнатады. Жапония азаматтары оған 13 ақпаннан 26 ақпанға дейін өтініш бере алады. 13 жеңімпаз Toyota City маңындағы сапар үшін 20 000 иен (60 мың теңге) төлейді.

1 / 5

• 
• 
• 
• 
• 

1 / 5

Марка AE86 BEV моделін 2023 жылы қаңтарда Токио автосалонында көрсеткен. Автомобильдің бір экземпляры ғана бар. Ол Tundra i-Force Max-тан алған 6 сатылы механика және шағын батареямен жұмыс істейтін электромотормен жүреді. Хачирокудың салмағы — 1070 келі, қуаты — 95 а.к. (150 Нм).