Жап-жаңа Land Cruiser 80 сатылады

АҚШ-тағы онлайн аукциондардың біріне J80 Toyota Land Cruiser шықты. 27 жылдан бері темір тұлпарды ешкім тізгіндемепті. Одометрі небәрі 4.7 мың миль (7.6 мың км-ден сәл аз) көрсетіп тұр.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жол талғамайтын ақ машинаны иесі Калифорниядағы салондардың бірінен жаңа күйінде алыпты. Жолға сирек шыққан көлік өмірінің көп бөлігін гаражда өткізген. Иесі қайтыс болған соң туыстары трейд-ин арқылы сатып жібереді, ал 2021 жылы алған кісі 45 миль жүрген.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Сатушы модельдің жағдайы мінсіз деді, тіпті су жаңа кезіндегі иісі кетпепті.

Капот астында 215 ат күші мен 373 Нм момент беретін 4.5 литрлік 1FZ-FE тұр. Мотор 4 сатылы автомат қораппен және ортаңғы дифференциалы бұғатталатын, 2 сатылы үлестіргіші бар тұрақты толық жетек жүйесімен жұмыс істейді.

Мақала жарияланған сәтте көліктің бағасы 55 555 долларға жетті, бірақ бәссауда аяқталғанша 100 мыңнан асып кетуі ықтимал. Бұл машина былтыр да аукционға қатысқан. Сол кезде 165 мың ұсынған адам ақшасын төлей алмай, көлік өтпей қалды.