Жап-жаңа ескі Chevrolet Camaro саудаға шықты

Қаңтардың ортасында Mecum аукционы 1990 жылғы сирек кездесетін Iroc-Z 1LE комплектациясындағы Chevrolet Camaro-ны саудаға салады. Иесі бұл автомобильді ешқашан жүргізбеген. Одометрі бар болғаны 10 шақырым көрсетіп тұр.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Аукционшылардың айтуынша бұл көлік жертөледе тұрған, сондықтан жаңа күйінде сақталған. Иесі спорткарды не үшін пайдаланбағаны белгісіз.

1 / 10

• 
• 
• 
• 
• 
• 
• 
• 
• 
• 

1 / 10

Үшінші буындағы Camaro-ның Iroc-Z атты үздік нұсқасы қосымша шанақ кергіш және басқаша тұрақтандырғыш пен амортизаторлары бар өзгерген жүріс бөлігімен ерекшеленеді. Компания бұл модельді көптеп шығарғанымен, біз сөз етіп отырған экземпляр қосымша 1LE пакетімен жабдықталған. Оған Corvette-тің күшті алдыңғы тежеуіші, алюминийден жасалған кардан, май салқындату жүйесі және т.б. кіреді, бірақ спорткарда кондиционер мен аудиожүйе жоқ. 1990 жылы мұндай машинаның 62-сі ғана жасалыпты.

Машина 245 ат күшіне ие 5.7 литрлік V8 қозғалтқышпен жұптасқан 4 сатылы автоматпен жүреді. Аукцион қызметкерлері автомобиль үнемі техникалық тексерістен өтіп отырғанын атап өтті. Көлікпен бірге 1990 жылы сатып алған кездегі және басқа құжаттары қоса беріледі.

Бұл ерекше Camaro қаншаға өтетіні әзірге белгісіз. Осы буындағы жүрмеген спорткардың бұрын сатылған бағасын ескерсек, құны 100 мың доллардан асуы мүмкін.