Fremantle Highway атты жүк кемесінде болған құнды жүктің отқа оранғанына қатысты іс әлі аяқталған жоқ. Өткен күзде пайдалануға жарамды деп танылған мыңға жуық премиум машина өрттен аман қалды деген хабар тарады.
BMW сақтандыру өтемін алғаннан кейін 260 автомобиль Тайваньдағы сақтандыру компаниясының меншігіне өтті, ал ол көліктерді Роттердамдағы коммерциялық бірлестікке сатты. Қазіргі иесі жеңіл көліктер мен кроссоверлерді аукцион арқылы сатуды жоспарлап отыр, бірақ BMW бұған қарсы шығып, көліктер енді қауіпсіз болмайды деп санайды.
Қазір іс Роттердам сотында қаралып жатыр. BMW заңгерлері өрт салдарынан сымдар, бояу және металл компоненттер зақымдалғанын алға тартады, ал қарсы тарап машиналарды тек «күйе басқан» дейді деп жазды Northern Times басылымы.
Автомобильдерді утилизацияға жіберуді талап еткен BMW көліктерін қайта өңдеуге жіберген Audi мен Mercedes-Benz-ті мысал ретінде келтірді. Роттердам консорциумының оларды ЕО-дан тыс елдерге сату туралы ұсынысы да қабылданбады.
Үкім әлі шықпады, келесі сот отырысы 15 шілдеде өтеді.
Комментариев: 0