Жансүгіров пен Сейфуллин даңғылының қиылысындағы жолайрық құрылысы 2017 жылы басталған. Объектіні тапсыру мерзімі түрлі себепке байланысты кейінге шегеріліп келді. Басты себептердің бірі — 259 жер телімін сатып алу қажет болғаны. Соңғы жер бойынша мәселе биыл мамырда шешілді.
Жоба Сейфуллин даңғылымен автомобиль қозғалысын қамтамасыз ету үшін жалпы ұзындығы 690 метр екі тоннель салуды көздейді. Жансүгіров көшесімен көлік сыртпен жүреді.
Қала әкімдігі хабарлағандай, қазір жолайрықтан шығатын барлық жолға асфальт төселген, бір жерүсті жаяу жүргіншілер өткелі салынған, кәріз және байланыс желілерін қайта жасау жұмыстары жүріп жатыр.
Ең бастысы — Сейфуллин даңғылындағы «Батыс» және «Шығыс» тоннельдеріне асфальт төселді. Осы демалыста жол ашылып, ауа райы қолайлы болғанда уақытша белгілер қойылады.
Жолайрық іске қосылғаннан кейін Жансүгіров көшесінің көлік легін өткізу қабілеті 15 %, ал Сейфуллиндікі 20 % артады.
Комментариев: 0