Жаңарған Zeekr 001 саудаға шығуға дайын

Zeekr жаңарған 001 электромобиліне жарнама жасай бастады. Сондай-ақ лифтбектің кейбір техникалық сипаттамасы белгілі болды. Тұсаукесер 27 ақпанда өтеді, машина сол күннен бастап саудаға түседі.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Рестайлингтен кейін электрокар өлшемі өзгерген жоқ — 4977×1999×1545 мм, дөңгелек базасы — 3005 мм. Алғашқы фотосуреттен шанақ түсі гаммасы кеңейгені байқалады. Тежеуіш суппортының да бірнеше түсі болады.

Салонда жаңарған рөл, 13 дюймдік аспаптар панелі, 35.5 дюймдік проекциялы экран және 15 дюймдік экраны мен Quallcom 8295 чипі бар медиажүйе болады. Қосымша функцияларды басқаратын батырмалар аздап өзгереді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Электрокар платформасы 800 вольтты архитектураға ауысады, соның арқасында машинаны тез қуаттауға және қуатты қозғалтқыш орнатуға болады. Бұрынғыдай артқы және толық жетекті нұсқасы шығады, бірақ біріншісінде мотор қуаты 272-ден 421 ат күшіне артады. Ал екіншісінде агрегат 788 ат күшін береді (бұрын 544 күш болған). Ең қуатты Zeekr 001-дің динамикасы жақсарды, ол алғашқы жүздікті 3.3 секундта еңсереді. Рестайлингке дейінгі көрсеткіш бұдан 0.6 секунд баяу болған.

Zeekr батарея сипаттамасы жайлы ақпарат берген жоқ. Бірақ екі түрлі аккумулятор орнатады деген болжам бар. Жылдам қуаттау бекетінде машина 10-нан 80 %-ға дейін 11.5 минутта қуатталады. Жүріс қоры — 750 шақырым.

Жаңа өнімнің ішкі нарықтағы амбассадоры Қытайдан шыққан алғашқы Формула-1 шабандозы Чжоу Гуаньюй болады. Ол Alfa Romeo командасында өнер көрсетеді, бірақ әлі үлкен жетістікке жеткен жоқ. Бұған дейін Zeekr өзге Ф-1 шабандозы Кими Райкконенді техникалық кеңесші қызметіне шақырған.