Жаңарған Škoda Octavia Қазақстанда қанша тұрады

Былтыр күзде Octavia Қазақстанға қайта оралған, ал 2025 жылы шілдеде рестайлинг нұсқасы біздің елде саудаға шықты. Жаңарған модельдің әлемдік тұсаукесері биыл ақпанда өткен.

1 / 6

• 
• 
• 
• 
• 
• 

1 / 6

Чехиялық бренд өкілдері Octavia-ны тек лифтбэк шанағында ұсынады әрі бастапқыда клиенттер қозғалтқыш таңдай алмайды. Octavia 150 ат күшіне ие (250 Нм) 1.4 литрлік турбомотормен жүреді, ол 8 сатылы автомат қорап және алдыңғы жетекті жүйемен жұмыс істейді. Алдыңғы Octavia да осындай агрегатпен жабдықталған, оның бағасы 13 млн теңгеден басталады. Жаңарған машина біршама қымбаттады, ең арзаны 17.9 млн теңге тұрады.

Жыл аяғына қарай компания топтамаға 204 ат күшіне ие 2 литрлік агрегат қосады. Оның құны қазірше белгісіз.

Бюджеттің Essence нұсқасының жабдықтар тізіміне алдыңғы, бүйірлік және ортаңғы эйрбег, қауіпсіздік пердесі, базалық электронды көмекшілер жинағы, артқы көрініс камерасы, алдыңғы және артқы парктроник, круиз-бақылау, екі аймақты климат-бақылау, цифрлы аспаптар панелі, 13 дюймдік экраны мен 8 динамигі бар медиажүйе, сымсыз қуаттағыш, жүргізуші мен жолаушы орындығының электр жетегі, жылытуға болатын кресло және т.б. енді. Интерьері матамен қапталған.

Орташа Selection комплектациясы матрицалы шам, креслоның былғары қаптамасы, үш аймақты климат-бақылау, алдыңғы орындықтардың массаж және желдету функциясы, жүксалғыш қақпағының электр жетегі, кілтсіз ашу жүйесі және сигнализациямен жабдықталған. Мұндай машина 18.5 млн теңге тұрады.

1 / 4

• 
• 
• 
• 

1 / 4

SportLine түрленімін де 18.5 млн теңгеге алуға болады. Бірақ ол әртүрлі декор, күңгірттелген артқы терезе және бірнеше жүріс режимінің бірін таңдау мүмкіндігімен ерекшеленеді. Octavia SportLine-ның жабдықтар тізімінде матрицалы шам жоқ, бірақ ол Mamba деп аталатын ашық жасыл түсімен мақтана алады.

Қазақстанға келгелі 141 Octavia иесін тапты. Ол бренд топтамасындағы екінші танымал модель саналғанмен, жыл басынан бері 659 данасы сатылған «Кодиактан» кәдімгідей қалып келеді.