Жаңарған Porsche 911 Қазақстанға келді

Porsche биыл мамырдың аяғында 992.2 цифрлы белгісі бар 992 индексті спорткардың жаңарған нұсқасын таныстырған. Автомобиль визуалды түрде аздап өзгеріп, жаңа күштік құрылыммен жабдықталды. Жақында модельдің Қазақстандағы тұсаукесері өтті. Неміс брендінің жергілікті жанкүйерлері енді 911-дің (992.2) бензинді нұсқасын ғана емес, гибрид түрленімін де ала алады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Спорткардың Қазақстандағы тұсаукесері Алматы маңындағы Sokol автодромында өтті. Іс-шара қонақтары базалық Carrera нұсқасындағы жаңа 911-мен танысып, автодромның су жаңа асфальтымен жүріп көрді. Мұндай мүмкіндік қазіргі Porsche иелеріне берілді. 911 иелері ғана емес, Panamera, Taycan және Cayenne кроссоверінің жүргізушілер де жолға шықты.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Жаңарған 992.2 бұрын GTS-те болған 394 ат күшіне ие (450 Нм) екі турбокомпрессорлы 3 литрлік турбомотормен жүреді. Агрегат 8 сатылы PDK робот қорабымен жұмыс істейді. Автомобиль алғашқы жүздікті 3.9 секундта еңсереді, ең жоғары жылдамдығы — 294 км/сағ.

1 / 10

• 
• 
• 
• 
• 
• 
• 
• 
• 
• 

1 / 10

Интерьерде де өзгеріс бар. 911-де рөлдің сол жағындағы кіліт сұғатын фирмалық ұяшық болмайды. Оның орнын әдеттегі батырма басты. Аспаптар панелінің орнында 12.6 дюймдік цифрлы панель орналасты. Базалық комплектацияда артқы диван болмайды.

992.2 буынының жаңа өнімі Қазақстанға әлі келген жоқ. Бірақ клиенттер бензоэлектрлі 911 Carrera GTS-ке тапсырыс бере алады. Автомобиль бір турбокомпрессорлы 3.6 литрлік оппозит қозғалтқышпен жүреді. Қосымша 15 ат күшіне ие электромотор бар, ол артық газ шығарындысын пайдаланып электр энергиясын шағын 1.9 киловаттық аккумуляторға немесе тікелей екінші қозғалтқышқа жібере алады. Агрегаттың жалпы қуаты — 541 ат күші мен 610 Нм. Машина ескі GTS-пен салыстырғанда қуаты 61 күшке артып, 50 келі салмақ қосты.

Жаңарған Porsche 911-дің Қазақстандағы бағасы 185 000 еуродан (98 млн теңге) басталады, бұл сомаға Carrera купесін аласыз. Атауында GTS қосымшасы бар гибрид түрленімі кем дегенде 243 000 еуро (128.8 млн теңге) тұрады. Ал маңызды опциялары бар спорткар алу үшін әлдеқайда көп ақы төлеуге тура келеді.

Porsche Қазақстанда 2024 жылдың аяғына дейін 12 экземпляр, 2025 жылы 25 экземпляр жаңа 911 сатуды жоспарлап отыр.