Жаңарған Mitsubishi Pajero Sport камуфляжсыз көзге түсті

Желіде үшінші буын Mitsubishi Pajero Sport-тың жаңарған нұсқасының алғашқы фотолары тарады. Суреттерді бірнеше дереккөз жариялаған.

Дизайны түбегейлі өзгермеген. Компания Pajero Sport-ты жаңа радиатор торымен, бамперлермен және дизайны басқа дискілермен жабдықтады. Жарық техникасы да өзгерді.

1 / 6

• 
• 
• 
• 
• 
• 

1 / 6

Салонында көзге түсетін жалғыз нәрсе — рөл, оны жаңа L200-ден алғаны анық. Басқа нарықта модель Triton атауымен белгілі.

Кейбір мәліметке сәйкес, жаңарғаннан кейін Pajero Sport алғаш рет «Тритонда» пайда болған 2.4 литрлік дизельді моторды алуы мүмкін, бірақ Аустралиядағы Car Sales басылымының инсайдерлері бұл ақпаратты жоққа шығарды. Көлік 2026 жылы буын алмастырғаннан кейін ғана басқа күштік құрылымға ие болады.

Қазақстанда үшінші буын Pajero Sport ресми сатылмайды, дегенмен жаңа машиналар Таяу Шығыс елдерінен келіп жатыр, ол Montero Sport деген атпен белгілі және 3 литрлік бензинді V6 моторымен жүреді. Жаңа көліктің бағасы 18-28 млн теңге аралығында.