Жаңарған Lexus ES Қытайда жарық көрді

Рестайлингтен өткен жетінші буын Lexus ES седанының бірнеше суреті желіде жарияланғаннан кейін компания көлікті LX-тің гибрид нұсқасымен бірге ресми түрде таныстырды.

Желіде тараған суреттерден байқағанымыздай, Lexus ES-тің сырт келбеті аса өзгермеген. Автомобильдің радиатор торы жаңарып, басқа бампер алды, ал басты өзгеріс — жарық техникасы. Алдыңғы матрицалық фары фирмалық «бумеранг» тәрізді, ал артқы шамы тұтас жарықдиодты жолақпен бірікті.

1 / 10

• 
• 
• 
• 
• 
• 
• 
• 
• 
• 

1 / 10

Салонындағы жаңарған медиажүйе экраны 14 дюймге ұлғайды, ол климаттық жүйені басқара алады. Температураны екі шайба арқылы реттеуге болады, ал қалған баптау сенсорлы экран арқылы жасалады. Дизайнерлер планшетке орнатылған аналогтық сағатты қалдырды. Көлік сондай-ақ ықшам цифрлы аспаптар панелімен және жаңа ортаңғы консольмен жабдықталды. Инженерлер сенсорлы панельді алып тастап, трансмиссия селекторының қасына екі стақан қойғыш пен смартфонды сымсыз қуаттағыш қосқан.

1 / 4

• 
• 
• 
• 

1 / 4

Қытайда модель техникалық жағынан өзгеріссіз қалды. Онда көлік 2 және 2.5 литрлік атмосфералы қозғалтқыштармен және гибрид күштік құрылыммен сатылады. Қуаты 172-217 ат күшіне жетеді.

Әзірге бренд тек Қытай нарығына арналған ES-ті көрсетті, оның бағасы 299 900-488 900 юань аралығында (20.6-33.5 млн теңге) болады. Келесі аптада компания Лос-Анджелестегі автосалонда АҚШ-қа арналған нұсқасын да ұсынуы мүмкін.