Шанхай автосалонында жетінші буындағы Lexus ES таныстырылды. Сырттай жаңа машинаны алдыңғысынан ажырату қиын. Модельдің радиатор торы мен алдыңғы шамы ғана өзгерген. Жаңа көлікке басқа шамдар блогы мен BladeScan AHS бейімді басқару жүйесімен жабдықталған жарықдиодты прожектор орнатылған.
Салоны өзгеше. Мультимедиа кешеніндегі сенсорлы экранның көлемі 12.3 дюйм (бұрын 8 дюймдік дисплей болған). Басқаруды жеңілдету үшін мамандар планшетті жүргізушіге қарай сәл бұрыпты.
Мотор гаммасы жаңа 2 литрлік агрегатпен толықты. Бұрынғы 6AR-FSE-нің орнын M20A-FKS басты. Екі мотор да 150 ат күшіне ие, бірақ екіншісі 192 орнына 206 Нм момент береді, әрі ол автоматпен емес, Direct Shift вариаторымен жұмыс істейді.
Lexus инженерлері седанның жүріс бөлігі мен электроникасын біршама жақсартты. Амортизаторын ауыстырып, тежеуішті күшейткішті қайта баптап, анағұрлым қатты кергіш орнатты. Lexus Safety System+ кешені көлікті бұрылыста да тежей алады, ал бейімді круиз көліктің жүрісі бәсеңдегенде артқы жылдамдықты тез алуға қабілетті.
Жаңарған Lexus ES күзде сатылымға шығады. Қазақстанға тек 2.5 және 3.5 литрлік моторы бар нұсқалар келетін сияқты. Дәл сондай агрегатпен жабдықталған алдыңғы буын өкілдері біздің елде 21.4 млн теңгеге сатылып жатыр.
Комментариев: 0