Жаңарған Kia Sportage Қазақстанда қанша тұрады

2024 жылдың қарашасында Kia алғаш рет бесінші буындағы Sportage моделінің жаңарған нұсқасын көрсетті. Былтыр қаңтарда ол Қазақстанға келді. Қостанайдағы Kia зауытында жасалатын автомобиль автосалондарға 17 қаңтарда жетеді.

Рестайлингтен өткен Sportage жаңа радиатор торы, басқаша бампер және Sorento мен Carnival стиліне сай бас оптикасымен ерекшеленеді. Мамандар артқы бампері мен шамын өзгертіп, диаметрі 17-19 дюймдік жаңа дискілер орнатқан.

1 / 5

Жаңарған Kia Sportage

1 / 5

Салонындағы екі шабақты жаңа рөл бірден көзге түседі. Машинаның алдыңғы панелі, ортаңғы консолі басқаша. Екі 12.3 дюймдік экран заманауи аппараттық жүйе және бағдарламалық жасақтама алды. Қазақша интерфейс таңдау мүмкіндігі бар. Проекциялық дисплей пайда болды.

Кроссовердің мотор гаммасы өзгермеді. Kia Sportage 150 және 190 ат күшін беретін 2.0 және 2.5 литрлік атмосфералық қозғалтқыштармен жабдықталады. Олар тек автоматпен жұптаса жұмыс істейді. Базалық түрленім алдыңғы жетекті, қымбатырақ нұсқаларында толық жетек жүйесі қосылады.

1 / 5

Kia Sportage X-Line

1 / 5

Бренд төрт комплектация ұсынады: Comfort, Luxe, Style және X-Line+. Соңғысының стилі басқаша. Ол күңгірт Kia эмблемасы, жылтыр қара декор элементтер, дизайны ерекше радиатор торы, өзгеше тұманға қарсы шамдары бар ірі алдыңғы бампер және ерекше дискілер алды. Бұл — Drive Wise жүргізуші ассистенттерінің толық жинағына ие жалғыз модификация.

Рестайлингтен өткен 2 литрлік Sportage-дің (Comfort 2.0) бағасы — 16.5 млн теңге, 2.5 литрлік X-Line 22 млн теңге тұрады.

Комментариев: 0