Жаңарған Kia Carnival туралы тың ақпарат

Қазан айының аяғында Kia рестайлингтен өткен Carnival-дың бірнеше суретін жариялаған. Енді көліктің салоны мен техникасына қатысты мәлімет берді.

1 / 10

• 
• 
• 
• 
• 
• 
• 
• 
• 
• 

1 / 10

Салонда бір планшетке біріккен 12.3 дюймдік екі экраны бар медиажүйе, проекциялық дисплей (11 дюйм), климаттық жүйенің жаңа пульті және жаңарған ортаңғы консоль көзге түседі. Инженерлер бонус ретінде саусақ ізінің сканерін, УК-стерилизатор және аса жайлы Ergo Motion жүргізуші орындығын орнатқан. Электронды көмекшілер жинағына қашықтан тұраққа қойғыш қосыпты.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Техникасына келер болсақ, Корея нарығына шығатын Carnival енді Sorento-дан алған гибрид күштік құрылыммен жүреді. 1.6 литрлік турбомотор мен шағын электрлі қозғалтқыш жалпы 245 ат күші мен 367 Нм момент береді. 100 шақырымға шамамен 7.1 литр отын жұмсайды. Бұрынғы V6 (3.5) мен 2.2 литрлік дизель де қатардан шыққан жоқ.

Бренд өз отанында жаңарған модельге алдын ала тапсырыс қабылдай бастады. Бағасы 34.7 млн воннан (12.4 млн теңге) басталады. Ал Қазақстанда рестайлингке дейінгі Carnival-дың ең арзаны 20 млн теңге тұрады.